იცით რომლებია ყველაზე გაბუქებული მინერალები? ასეთებია მაგალითად Calcium, რკინა და კიდევ ბევრი შეიძლება ვთქვათ, მაგრამ იცით რომლებია ყველაზე დაუფასებელი მინერალები? დიდი ალბათობით არა, რადგან ზუსტადაც დაუფასებელი მინერალებია და ბევრ ადამიანს შეიძლება არც გაუგია არასდროს. დღეს მინდა ტოპ 3 დაუფასებელ მინერალზე გესაუბროთ.
პირველი დაუფასებელი მინერალი არის სელენი, რომელზე საუბარიც უნდა დავიწყოთ იოდზე საუბრით. ახლა რა კავშირშია მინერალი იოდი საერთოდ განსხვავებულ მინერალ სელენთან. მოდით დავსვათ ასეთი კითხვა: რა გახსენდებათ პირველი იოდზე? დიდი ალბათობით გახსენდებათ ის რომ იოდი აუცილებელია ფარისებრი ჯირკვლის ფუნქციონირებისთვის, მაგრამ ბევრმა ადამიანმა არ იცის რომ ფარისებრი ჯირკვლისთვის სელენიც ისეთივე აუცილებელია როგორც იოდი, შეიძლება უფრო მეტადაც კი.
იოდი საჭიროა იმისთვის რომ ფარისებრმა ჯირკვალმა აწარმოოს ჰორმონი T4, ჰორმონის დასახელებაში რიცხვი 4 პირდაპირ აღნიშნავს იოდის მოლეკულების ოდენობას, თუმცა ამ ჰორმონის შესაქმნელად ასევე საჭიროა სელენი და კიდევ უფრო მნიშვნელოვანი ისაა, რომ T4 არის არააქტიური ჰორმონი, თუმცა ღვიძლი ააქტიურებს ამ ჰორმონს და გარდაქმნის T3 ფორმაში, რისთვისაც საჭიროა სელენი. ანუ პრაქტიკულად იმისთვის რომ ფარისებრმა ჯირკვალმა იმუშავოს, შეასრულოს თავისი ფუნქცია და გააქტიურდეს ეს ჰორმონი აუცილებელია სელენი.
თუნდაც ძალიან ბევრი იოდი გქონდეთ ორგანიზმში, თუ არ გაქვთ სელენი, ფარისებრი ჯირკვალი მაინც ვერ იმუშავებს. არადა ფარისებრ ჯირკვალს აქვს გავლენა ყველა თქვენს უჯრედზე და მთელ ორგანიზმზე. მაგალითად ენერგიის დონეზე, თმის ხარისხზე, წონაზე, მეტაბოლიზმზე, აზროვნებაზე და ა.შ.
ასევე სელენი მნიშვნელოვანია ორგანიზმში გლუტათიონის სინთეზირებისთვის, რაც არის ყველაზე მნიშვნელოვანი ანტიოქსიდანტი და ამცირებს ოქსიდაციურ სტრესს, იცავს თქვენს უჯრედებს დაზიანებისგან, იცავს ქოლესტერინს დაზიანებისგან, იცავს ღვიძლს დაზიანებისგან, ამცირებს სხვადასხვა დაავადების რისკებს და ა.შ.
მეორე დაუფასებელი მინერალი არის ქრომი. ქრომი გეხმარებათ სისხლში შაქრის დონის შემცირებასა და დარეგულირებაში ზოგადად, რაც სუპერ მნიშვნელოვანია, იმიტომ რომ სისხლში მაღალი შაქრის დონე არის ზუსტად გასუქების ერთ-ერთი მთავარი მიზეზი, ასევე იწვევს ინსულინის რეზისტენტულობას, დიაბეტს, აზიანებს ქოლესტერინს და ხდის სახიფათოს თქვენთვის, იწვევს მაღალ არტერიულ წნევას და ა.შ. და ა.შ. პრაქტიკულად სისხლში დარეგულირებული შაქრის დონე არის თქვენი წონის კლებისა და ზოგადი ჯანმრთელობის საფუძველი.
ზოგადად სისხლში შაქრის დონის დარეგულირების როლი ორგანიზმში ეკისრება ჰორმონ ინსულინს და ამ როლს ძალიან პატიოსნადაც ასრულებს, თუმცა ინსულინის დიდი ოდენობით გამოყოფა საერთოდაც არ არის კარგი ამბავი და ჩამოთვლილი პრობლემების უმეტესობაში ზუსტად დიდი ოდენობით ინსულინს მიუძღვის წვლილი. თუმცა მინერალი ქრომი ზრდის გლუკოზის ტრანსპორტერების ოდენობას უჯრედის ზედაპირზე, რაც ნიშნავს რომ ახლა უკვე უჯრედებს შეუძლიათ შეისრუტონ გლუკოზა ანუ შაქარი პრაქრიკულად ინსულინისგან დამოუკიდებლად.
წარმოიდგინეთ რომ უჯრედი არის როგორც ოთახი, რომელსაც აქვს ერთი კარი და შაქარი არის ადამიანები, რომლებსაც უნდათ ამ ოთახში შესვლა, მაგრამ იქიდან გამომდინარე რომ სულ 1 კარი აქვს ამ ოთახს, რთულია 100 ადამიანი შევიდეს ერთდროულად. ხოლო მინერალი ქრომი პრაქტიკულად ზრდის კარებების ოდენობას. ვთქვათ თუ მანამდე იყო ოთახში შესასვლელი 1 კარი, ახლა უკვე არის 10 კარი და შესაბამისად ბევრად უფრო მარტივია ამ ოთახში მოხვდნენ ეს ადამიანები.
ანუ რა გამოდის, რომ უჯრედებს ქრომის გავლენით ბევრად მარტივად შეუძლიათ აითვისონ გლუკოზა, რაც რა თქმა უნდა ამცირებს სისხლში შაქრის დონეს, ამცირებს ინსულინის საჭიროებას და ამცირებს ყველა ჩამოთვლილ უარყოფით ეფექტს. მითხარით რომ ქრომი არ არის დაუფასებელი მინერალი.
მესამე და ბოლო ჩვენს სიაში არის მაგნიუმი, რომელიც შედარებით უფრო ცნობილია ვიდრე სელენი და ქრომი, თუმცა მისი მნიშვნელობიდან გამომდინარე მაინც დაუფასებელია და არ ექცევა საკმარისი ყურადღება, მით უმეტეს რომ ძალიან ძალიან ბევრ ადამიანს აკლია მაგნიუმი.
მაგნიუმს 300-ზე მეტი ფუნქცია აქვს ორგანიზმში, თანაც ძალიან მნიშვნელოვანი ფუნქციები და აქედან გამომდინარე ერთ-ერთი ყველაზე ძლიერმოქმედი მინერალია. მაგნიუმის ნაკლებობა იწვევს უძილობას, ყაბზობას, კუნთების დაჭიმულობას, მაღალ არტერიულ წნევას, იმუნიტეტის დასუსტებას და ა.შ.
თან პრაქტიკულად მაგნიუმის ერთადერთი კარგი წყარო არის თხილეული და ისიც საშუალოდ 400 გრამი უნდა ჭამოთ ყოველდღიურად, რაც გულწრფელად რომ ვთქვათ თითქმის შეუძლებელია. არადა 300-ზე მეტი ფუნქციის შესრულება არის დამოკიდებული მაგნიუმზე და მე თუ მკითხვათ, ეგრედწოდებული ჯანმრთელობის გურუები მართლა რომ ერკვეოდნენ ბიოქიმიაში, მუდმივად უნდა აკეთებდნენ აქცენტს მაგნიუმზე, მაგრამ ამის ნაცვლად ხშირად გვესმის სრულიად გამოუსადეგარი და არასაჭირო ინფორმაციები.
თუ გადაწყვეტთ რომ ეს სამი მინერალი ორგანიზმში შეივსოთ ხარისხიანი საკვები დანამატებიდან, შეგიძლიათ შორს აღარ წახვიდეთ რადგან ჩვენს ჯანსაღ მაღაზიაში იყიდება ყველაზე მაღალი ხარისხის Supplements საუკეთესო ფასად. მისამართი: ვაჟა-ფშაველას 12 ან შეგიძლიათ შეუკვეთოთ პირდაპირ ჩვენი საიტიდან Ketogen.ge და კურიერი მოგიტანთ მისამართზე მთელი საქართველოს მასშტაბით.
ასევე გირჩევთ უყუროთ ჩვენს ვიდეოს სათაურით „5 ნივთიერება, რომელიც აკლია ადამიანების უმეტესობას“, წესით ეს ვიდეოც დაგაინტერესებთ. დღეისათვის კი სულ ეს იყო, შევხვდებით შემდეგ ვიდეოში.
