ჩვეულებრივად შესაძლებელია რომ იღებდეთ D ვიტამინს ან არ გაკლდეთ D ვიტამინი ანალიზის მიხედვით, მაგრამ მაინც გქონდეთ D ვიტამინის დეფიციტის სიმპტომები. ამ ვიდეოში რასაც გეტყვით არათუ ბევრმა ადამიანმა არ იცის, არამედ ბევრ ექიმსაც არასდროს გაუგია.
ახლა საქმე რაშია, როცა თქვენ იღებთ D ვიტამინს, არ აქვს მნიშვნელობა ეს დანამატიდან იქნება თუ მზის სხივების ზემოქმედებით, თქვენს ორგანიზმს პირდაპირ არ შეუძლია გამოიყენოს D ვიტამინი. ჯერ უნდა გაიაროს რამდენიმე კონვერტაცია, ანუ გარდაიქმნას სხვა ფორმად.
კონკრეტულად კი უნდა გაიაროს 2 ნაბიჯიანი კონვერტაციის პროცესი და გარდაიქმნას ორგანიზმისთვის გამოსადეგ, აქტიურ ფორმად. დასახელებების დამახსვორება საჭირო არ არის, მაგრამ მიღებული D3 ვიტამინი ჯერ გარდაიქმნება და ხდება 25 ჰიდროქსი D ვიტამინი და შემდეგ უკვე 1, 25 დიჰიდროქსი D ვიტამინი.
პირველი კონვერტაციის შემდეგ მიღებული D ვიტამინი არის დაგროვებითი ფორმა, ამ ფორმით ინახება ორგანიზმში D ვიტამინი, მაგრამ ეს ჯერ კიდევ არ არის ორგანიზმისთვის გამოსადეგი ფორმა, მხოლოდ მეორე კონვერატიის შემდეგ ვიღებთ აქტიურ D ვიტამინს, რაც არის 1, 25 დიჰიდროქსი D ვიტამინი.
ჰოდა საქმე რაშია, ერთი კონვერტაციისთვისაც და მეორე კონვერტაციისთვისაც საჭიროა მინერალი მაგნიუმი, რაც ადამიანების უმეტესობას აკლია, გამომდინარე იქიდან რომ მაგნიუმის ოდენობა საკვებში ძალიან შემცირებულია.
ამიტომ შეიძლება იღებდეთ D ვიტამინს, მაგრამ მაგნიუმის დეფიციტის გამო შეიძლება ან ძალიან მცირე ოდენობით კონვერტირდებოდეს ან საერთოდაც არა. ხოლო თუ მაგნიუმი ვერ გააქტიურებს D ვიტამინს, შესაბამისად D ვიტამინის დეფიციტის სიმპტომებიც არ შეიცვლება და ვერანაირ განსხვავებას ვერ დაინახავთ.
მეტიც, შეიძლება ანალიზის მიხედვით მოიმატოს D ვიტამინის დონემ და მაინც არ ქონდეს D ვიტამინს ეფექტი. ჯერ დავიწყოთ იმით რომ, ანალიზით უმეტეს შემთხვევაში ამოწმებენ 25 ჰიდროქსი D ვიტამინის დონეს, ეს არის პირველი კონვერტაციის შედეგი და როგორც ვთქვით ეს არის D ვიტამინის დაგროვებითი ფორმა.
და თითქოს ლოგიკურია, რომ როცა ანალიზს იტარებთ, თქვენ გაინტერესებთ რამდენი D ვიტამინია ორგანიზმში და შესაბამისად მოწმდება D ვიტამინის დაგროვებითი ფორმა ანუ მარაგში რამდენი D ვიტამინია.
მაგრამ ისევ და ისევ, კიდევ ერთი ნაბიჯი და კიდევ ერთი კონვერტაციაა საჭირო ამის შემდეგ, რომ მივიღოთ არა დაგროვებადი D ვიტამინი, არამედ აქტიური D ვიტამინი, რასაც გამოიყენებს ორგანიზმი.
თქვენ შეიძლება ცოტა მაგნიუმი გქონდეთ ორგანიზმში, იმისთვის რომ პირველ კონვერტაციას ეყოს და შესაბამისად ანალიზებში გამოჩნდება რომ D ვიტამინი აღარ გაკლიათ, მაგრამ ეს არ ნიშნავს რომ აქტიური D ვიტამინიც აღარ გაკლიათ, რადგან ამას საერთოდ არ ზომავს ანალიზი.
ჩვეულებრივად შეიძლება და საკმაოდ გავრცელებულია, რომ ანალიზის მიხედვით D ვიტამინი ნორმაში გქონდეთ და რეალური, აქტიური D ვიტამინი მაინც გაკლდეთ, არასაკმარისი მაგნიუმის გამო.
ისიც შეიძლება რომ D ვიტამინის მიღებამ ანალიზის შედეგებიც არ შეცვალოს და ანალიზი მუდმივად D ვიტამინის დეფიციტს აფიქსირებდეს, იმიტომ რომ შეიძლება ის მცირე ოდენობით მაგნიუმიც არ გქონდეთ, რაც პირველი კონვერტაციისთვის არის საჭირო. მოკლედ მაგნიუმის გარეშე D ვიტამინი არის პრაქტიკულად გამოუსადეგარი.
მაგრამ ჯერ ეს ყველაფერი არ არის, თუნდაც იმდენი მაგნიუმი გქონდეთ, რომ ორივე კონვერტაციას ეყოს, კიდევ ერთი ფუნქციისთვის არის საჭირო მაგნიუმი.
D ვიტამინი არის ცხიმში ხსნადი ვიტამინი ანუ ცხიმისებრი ნივთიერებაა, რის გამოც სისხლში მარტივად გადაადგილება არ შეუძლია. სისხლი თავისთავად წყალზე დაფუძნებული ნაერთია, ხოლო წყალი და ცხიმი ერთმანეთს ვიცით რომ არ ერევა.
თუ წყალს და ზეთს ჩაასხამთ ჭიქაში და კარგად მოურევთ, ნახავთ რომ წყალი და ცხიმი მაინც განცალკევდება ერთმანეთისგან. ეს კი პრობლემაა D ვიტამინისთვის, რადგან ცალკე აღებულ D ვიტამინს არ შეუძლია გადაადგილდეს სისხლში და მიეწოდოს უჯრედებს.
მაგრამ ამისთვის ორგანიზმს აქვს მოფიქრებული ძალიან ჭკვიანური მექანიზმი, ღვიძლი აწარმოებს ცილისგან გაკეთებულ „ნავს“ ასე რომ ვთქვათ, სახელად GC-გლობულინი, რისი საშუალებითაც D ვიტამინი უკვე თავისუფლად მოძრაობს სისხლში.
თუ გამოიცნობთ რომელი მინერალია საჭირო ამ ცილის მოლეკულის საწარმოებლად. მართალია, ისევ და ისევ მაგნიუმი. თუნდაც თავის აქტიურ ფორმაში იყოს D ვიტამინი და ორივე კონვერტაცია გავლილი ქონდეს, თუ ამ მესამე ფუნქციისთვის არ გეყოთ მაგნიუმი, D ვიტამინი მაინც ვერ იქნება გამოსადეგი, იმიტომ რომ უბრალოდ უჯრედებს ვერ მიეწოდება.
მართალია მცირე ოდენობით ამ ცილის „ნავის“ გარეშეც შეუძლია D ვიტამინს უჯრედებამდე მისვლა, მაგრამ ძირითადი ნაწილი მაინც ამ გზით გადაადგილდება, რისთვისაც საჭიროა მაგნიუმი.
გარდა ამ ყველაფრისა, რატომაც D ვიტამინი შეიძლება არ მოქმედებდეს ერთი შეხედვით, შეიძლება იყოს ის რომ უბრალოდ D ვიტამინის ძალიან დაბალ დოზას იღებთ. იმიტომ რომ ძველი რეკომენდაციების მიხედვით ბევრად დაბალი დოზა ინიშნებოდა, როგორიც არის 800 ერთეული ან 1000 ერთეული.
რატომ ეს კიდევ ცალკე საკითხია, მაგრამ თუ ექიმი ან ნუტრიციოლოგი, რომელმაც დაგინიშნათ D ვიტამინი, არ ეცნობა ახალ სამედიცინო კვლევებს, შესაბამისად არ ეცოდინება, რომ დიდი ხანია D ვიტამინის რეკომენდებული დოზები შეიცვალა.
D ვიტამინის ოპტიმალური დოზა ზრდასრული ადამიანისთვის არის საშუალოდ 4 000-დან 6 000 ერთეულამდე. მაგალითად როგორც 2017 წელს გამოქვეყნებულმა კვლევამ აჩვენა მინიმუმ 4 000 ერთეულია საჭირო, რომ მნიშვნელოვნად შემცირდეს სხვადასხვა დაავადების განვითარების რისკი.
ასევე შეიძლება D ვიტამინის ნაკლებად ათვისებად ფორმას იღებდეთ, იმიტომ რომ ყველა ვიტამინი და მინერალი რამდენიმე ქიმიური ფორმით არსებობს და ამასაც აქვს მნიშვნელობა. ისე არ არის, რომ მარტო ერთი სახის D ვიტამინი არსებობდეს ან რაიმე მსგავსი. D ვიტამინზე ცალკე ვიდეოც გვაქვს და გირჩევთ უყუროთ.
პლიუს ამას ის რაც თქვენ გგონიათ D ვიტამინის დეფიციტის სიმპტომები, ასევე შეიძლება რამდენიმე სხვა ვიტამინის ან მინერალის დეფიციტით იყოს გამოწვეული. თუნდაც ანალიზზე დაყრდნობით D ვიტამინი გაკლეთ, ეს იმას არ ნიშნავს რომ სხვა არაფერი გაკლიათ და გაითვალისწინეთ, რომ შეიძლება ამიტომ არ უმჯობესდებოდეს სიმპტომები .
ბონუსად იმასაც გეტყვით, რომ მაგნიუმი ნაღველის საწარმოებლადაც საჭიროა. ნაღველი არის ნივთიერება რაც გეხმარებათ ცხიმში ხსნადი ვიტამინების ათვისებაში, როგორიც არის A ვიტამინი, D ვიტამინი, K ვიტამინი და E ვიტამინი. მოკლედ მაგნიუმი D ვიტამინის ათვისებაშიც მონაწილეობს.
ხაზგასმით ვიტყვი და გავიმეორებ რომ არ აქვს მნიშვნელობა D ვიტამინს მზისგან აითვისებთ თუ დანამატით მიიღებთ. ორივე შემთხვევაში D ვიტამინმა უნდა გაიაროს ყველა ჩამოთვლილი პროცესი. დღეისათვის კი სულ ეს იყო, შევხვდებით შემდეგ ვიდეოში.
