ზოგადად ისპანახი საკმაოდ სასარგებლო პროდუქტია, თუმცა ეს მაშინ თუ სწორად მოამზადებთ. ამ ვიდეოში მინდა გითხრათ რატომ არასდროს არ უნდა ჭამოთ ისპანახი ცოცხლად.
ისპანახი შეიცავს ძალიან დიდი ოდენობით ოქსალატებს და რეალურად საკვებს შორის ოქსალატების ყველაზე დიდი შემცველობა ზუსტად ისპანახს აქვს. ახლა რატომ არის ეს ცუდი? ძირითადად 2 მიზეზის გამო.
დიდი ოდენობით ოქსალატები ზრდის თირკმელებში კენჭების გაჩენის რისკებს. დაფიქსირებული შემთხვევების 80%-ში თირკმელებში არის დაგროვილი ზუსტად კალციუმის ოქსალატები ანუ სულ ორი ნივთიერების გაერთიანება, კალციუმის და უკვე ხსენებული ოქსალატების.
მეორე მხრივ ოქსალატები გადის მინერალების დამბლოკავების კატეგორიაში, რაც იმას ნიშნავს რომ ეს ნივთიერება ხელს გიშლით საკვებიდან აითვისოთ სხვადასხვა მინერალები და უპირველესყოვლისა თვითონ ისპანახიდან. არადა ისპანახი არის მაგნიუმისა და კალიუმის ერთ-ერთი საუკეთესო წყარო. ეს არის 2 უმნიშვნელოვანესი მინერალი, თანაც მინერალები, რომლებიც ისედაც აკლია ადამიანების უმეტესობას.
ხოლო ოქსალატების მაღალი შემცველობის გამო თქვენ შეიძლება ამ და სხვა მინერალების ნახევარიც ვერ აითვისოთ. მაგნიუმის და კალიუმის ნაკლებობის სიმპტომებია: უძილობა, კუნთების სპაზმი, ყაბზობა, აჩქარებული გულის ცემა, ენერგიის ნაკლებობა და ა.შ.
ასევე მაგნიუმი თვითონ ამცირებს თირკმელებში კენჭების წარმოქმნის რისკებს, მაგრამ თუ ბევრი ოქსალატების გამო მაგნიუმს ვერ აითვისებთ, ამ სარგებელსაც ვერ მიიღებთ შესაბამისად. იმაზე რომ აღარაფერი ვთქვათ, რომ ოქსალატები როგორც ვთქვი ასტიმულირებს კენჭების წარმოქმნას თირკმელებში.
თუმცა რაც თქვენ შეგიძლიათ გააკეთოთ არის ის, რომ მოთუშოთ ან მოხარშოთ ისპანახი, მიირთვით ფხალი და ა.შ. და ა.შ. ეს პროცედურა ამცირებს ისპანაში ოქსალატების შემცველობას საშუალოდ 50-დან 80%-მდე, რაც უკვე ძალიან კარგია და პრაქტიკულად თავიდან აგარიდებთ ყველაფერს რაც ახლა ვისაუბრე.
სხვათაშორის ოქსალატები, როგორც ასეთი, ბოლომდე არაჯანსაღი ნივთიერება არ არის, თქვენი ღვიძლიც აწარმოებს ხანდახან სხვადასხვა მიზნებისთვის. საფრთხის შემცელი არის როცა იღებთ დიდი ოდენობით და თუ ისპანახს ჭამთ ცოცხლად, ცალსახად გამოდის რომ ბევრს იღებთ.
ისპანახი ასევე შეიცავს საკმაო ოდენობით A ვიტამინს, B9 ვიტამინს, კალციუმს, ანტიოქსიდანტებს, ნიტრატებს, უკვე ნახსენებ მაგნიუმსა და კალიუმს, და მცირე ოდენობით სხვა მინერალებსაც, რა თქმა უნდა.
მოკლედ მიირთვით მოთუშული ან მოხარშული ისპანახი და თუ ეს ვიდეო მოგეწონათ, გირჩევთ ჩვენს სხვა ვიდეოებსაც გადახედოთ, რადგან დიდი შანსია დაგაინტერესოთ. დღეისათვის კი სულ ეს იყო, შევხვდებით შემდეგ ვიდეოში.
