ანემია არ არის მხოლოდ რკინის ნაკლებობა და კიდევ რამდენიმე მნიშვნელოვანი დეტალი უნდა იცოდეთ. თვითონ ანემია ნიშნავს რომ სისხლში გაქვთ არასაკმარისი სისხლის წითელი უჯრედები, რასაც გადააქვს ჟანგბადი და შესაბამისად როცა გაქვთ ანემია, სხვადასხვა უჯრედებს და ქსოვილებს საკმარისი ჟანგბადი არ მიეწოდება.
ანემია ადამიანებისთვის ყველაზე ხშირად ასოცირდება რკინის დეფიციტთან, რაც არ არის გასაკვირი იქიდან გამომდინარე რომ რკინა აუცილებელია სისხლის წითელი უჯრედების ფორმირებისთვის, თუმცა ამ პროცესში კიდევ არაერთი ვიტამინი და მინერალი მონაწილეობს, რაზეც დიდად არ არის ინფორმაცია საზოგადოებაში.
როგორია ანემიის სიმპტომები? ძირითადად სიმპტომები მოიცავს სუნთქვის გართულებას, სისუსტეს, ფერმკრთალ კანს და მუდმივად ცივ ხელებს და ფეხებს. მაგრამ ამ ყველაფერში დამნაშავე მხოლოდ რკინის დეფიციტი არ არის, ეს სიმპტომები შეიძლება იგივენაირად იყოს სხვა ვიტამინების და მინერალების დეფიციტით გამოწვეული.
ერთ-ერთი მთავარი მინერალი რასაც შეუძლია გამოიწვიოს ანემია, გარდა რკინისა და რაც ნაკლებად ცნობილია არის მინერალი სპილენძი. როგორც 2018 წელს გამოქვეყნებულმა კვლევამ აჩვენა, სპილენძი საჭიროა ერთი მხრივ თვითონ რკინის ასათვისებლად, ასევე ჰემოგლობინის საწარმოებლად, რაც არის ცილა სისხლის წითელ უჯრედებში, რასაც კონკრეტულად გადააქვს ჟანგბადი და საჭიროა თვითონ სისხლის წითელი უჯრედების დაზიანებისგან დასაცავადაც.
სხვათაშორის მსგავსი ფუნქციები აქვს თავად რკინასაც, და რკინისა და სპილენძის მსგავსებებზე არაერთხელ დაწერილა სამეცნიერო ლიტერატურაში, მაგალითად შეგვიძლია ავიღოთ 2010 წლის კვლევათა შეჯამება, მაგრამ საბოლოოდ რკინა ცნობილია და სპილენძი ზოგ ადამიანს არასდროს გაუგია. ასევე სპილენძის დეფიციტი უფრო გავრცელებულიც არის.
დამატებით სისხლის წითელი უჯრედების საწარმოებლად და ანემიის ასაცილებლად არანაკლებ მნიშვნელოვანია B12 და B9 ვიტამინები, ისევე როგორც A ვიტამინი და თუთია. ამიტომ ანემია ბევრად მეტი ვიტამინის დეფიციტს მოიცავს და არა მხოლოდ რკინას, მიუხედავად იმისა რომ რკინა ცენტრალური მოთამაშეა, სხვა ვიტამინების და მინერალების გარეშე მაინც არ გამოვა საქმე.
ასევე C ვიტამინს შეუძლია დაგეხმაროთ რკინის უკეთესად ათვისებაში და შეუძლია უფრო შეამციროს ანემიის რისკები. მიუხედავად იმისა რომ C ვიტამინის დეფიციტით გამოწვეული ანემია ყველაზე იშვიათია, მაინც კარგია რომ იცოდეთ.
თუ გაინტერესებთ რომელი ვიტამინი ან მინერალი გაკლიათ, ჩვენს საიტზე შეგიძლიათ შეავსოთ უფასო აპლიკაცია და კვების რაციონზე დაყრდნობით გიჩვენებთ ამ ყველაფერს.
გარდა ვიტამინებისა და მინერალებისა, უფრო იშვიათად მაგრამ მაინც, ანემია რა თქმა უნდა, შეიძლება გამოწვიოს სხვასხვა მედიკამენტმა, დაავადებამ, ინფექციამ და ა.შ. , დღეისათვის კი სულ ეს იყო, შევხვდებით შემდეგ ვიდეოში.
