ზეთები არის ტოქსიკური და იწვევს..

რამდენიმე წამში გეტყვით რომლებია ყველაზე ტოქსიკური ზეთები და რა ზიანს აყენებს თქვენს ორგანიზმს, მაგრამ დარწმუნებული ვარ ადამიანების უმეტესობას არც კი გაუგია რომ ამ ზეთებს რაიმე უარყოფითი ეფექტი შეიძლება ქონდეს.

ეს ზეთებია: მზესუმზირის ზეთი, სიმინდის ზეთი, სოიოს ზეთი, რაფსის ზეთი, ყურძნის წიპწის ზეთი და ა.შ. სია კიდევ გრძელდება თუმცა ამ ვიდეოს ყურების შემდეგ თქვენ თვითონ შეძლებთ იმის გარჩევას რომელია არაჯანსაღი ზეთი და რომელი ჯანსაღი. ზოგიერთი ზეთი შეიძლება არ გეცნობოდეთ, მაგრამ ეს ზეთები ხშირად გამოიყენება სხვადასხვა პროდუქტებში რასაც ყოველდღიურად იყენებთ.

ყველაზე მთავარი და ამოსავალი წერტილი ამ საკითხში ის არის, რომ ამ ზეთებს არაფერი აქვთ არც ბუნებრივი და არც ნატურალური, პრაქტიკულად არის მთლიანად ადამიანის მიერ შექმნილი, რაც იწვევს უამრავ პრობლემას. იმას ვგულისხმობ რომ მაგალითად მზესუმზირის ზეთს არაფერი აქვს საერთო მზესუმზირასთან, რაც სინამდვილეში ძალიან ჯანსაღი პროდუქტია.

კი ის ცხიმი რაც მზესუმზირის ზეთშია ამოღებულია მზესუმზირიდან, მაგრამ შემდგომ იმდენნაირად არის გადამუშავებული, რაფინირებული და ჰიდროგენირებული, რომ საბოლოოდ მიღებული ცხიმის შემადგენლობა არც კი გავს თვითონ მზესუმზირაში ბუნებრივად არსებულ ცხიმს.

ამიტომ ასეთი ზეთების შემთხვევაში შეგიძლიათ საერთოდ დაივიწყოთ და დააიგნოროთ ზეთის წყარო რა არის, მზესუმზირა, სიმინდი თუ სხვა, ამას არანაირი მნიშვნელობა არ აქვს, ყველაზე ერთი ლოგიკა ვრცელდება და საბოლოოდ ასეთი გადამუშავების შედეგად ვიღებთ ისეთ ცხიმს, რომელიც ბუნებაში ფიზიკურად არ არსებობს. ამიტომ ვამბობ რომ ეს ზეთები პრაქტიკულად ადამიანის შექმნილია ლაბორატორიაში.

დავიწყოთ იმით რომ თუ პროდუქტიდან ზეთის და ცხიმის ამოღება ვერ ხერხდება დაპრესვით და უბრალოდ ტექნიკური დაწნეხვით, ეს ზეთი უკვე ვერ იქნება ჯანსაღი და ბუნებრივი. გამოწურავთ თუ არა ზეთს მზესუმზირიდან ან სიმინდიდან მაგალითად უბრალოდ დაპრესვით? ვერ გამოწურავთ. ამიტომ აცხელებენ პროდუქტს ძალიან მაღალ ტემპერატურაზე, რაც უკვე თავიდანვე აზიანებს ცხიმს, ხოლო შემდეგ იყენებენ სხვადასხვა ქიმიკატებს ცხიმის გამოსანცალკევებლად, რაც ზეთს კიდევ უფრო არაჯანსაღს ხდის. მაგალითად ყველაზე ცნობილი ასეთი ქიმიკატია „ჰექსინი“ რაც შეიძლება გსმენიათ.

შემდეგ ხდება ზეთის რაფინირება, რაც ზეთს კიდევ უფრო აცლის ყველანაირ ბუნებრივ მახასიათებლებს რაც კი შერჩენილი ქონდა, ეს მოიცავს ზოგიერთ ვიტამინს, ფერმენტს და ა.შ., ხოლო შემდგომ ზეთი გადის ჰიდროგენიზაციის პროცედურას და ადამიანურ ენაზე რომ ვთქვათ, ამ პროცესით მწარმოებლები ზრდიან ზეთის ვარგისიანობის ვადას. ანუ მანამდე თუ ზეთის ვარგისიანობის ვადა იყო ვთქვათ 1 წელი, ჰიდროგენიზაციის შემდეგ გახდება 4 წელი, რაც ძალიან ბევრ თანხას დაუზოგავს მწარმოებლებს და მათ შემოსავლებს სერიოზულად გაზრდის.

თუმცა ყველაზე მთავარი ის არის, რომ ამ პროცესების შედეგად ზეთი კარგავს ყველანაირ ბუნებრივ მახასიათებელს, კარგავს ყველაფერს თუ კი რაიმე სასარგებლო ქონდა და საბოლოოდ ვიღებთ ჰიპერ გადამუშავებულ, ოქსიდირებულ ანუ დაზიანებულ ცხიმს, რომელიც ბუნებაში თავისთავად არ არსებობს, რაც არის უკვე ტოქსიკური და ქმნის უამრავ პრობლემას თქვენს ორგანიზმში, რაზეც ცოტა ხანში ვისაუბრებ. ასეთ ზეთებს ტრანს ცხიმებსაც ეძახიან, მინიმუმ გაგონილი გექნებათ.

გარდა ამისა, ერთია როცა ცხიმი ბუნებრივად არის კონკრეტულ პროდუქტში, მაგალითად ისევ და ისევ მზესუმზირაში და მეორეა როცა ამ ცხიმს ვაცალკევებთ, გადავამუშავებთ და ვაქცევთ ცალკე გამოყოფილ ზეთად. იმიტომ რომ როცა ეს ცხიმი არის თვითონ მზესუმზირაში, ბუნებრივ პროდუქტში, ამ მზესუმზირაში ასევე არის უამრავი ვიტამინი და მინერალი, რომლებიც იცავს ამ ზეთს გაფუჭებისგან და ინარჩუნებს თავის ბუნებრივ ფორმას. ესენია მაგალითად: A ვიტამინი, E ვიტამინი, სელენი, თუთია და ა.შ.

ხოლო როცა ეს ცხიმი გამოცალკევდება და ამდენი გადამუშავების შედეგად გამოიფიტება ყველაფრისგან, ამ დამცავი მექანიზმების გარეშე ხდება უფრო და უფრო ტოქსიკური. ჯერ წარმოების პროცესში, შემდეგ ტრანსპორტირების პროცესში და საბოლოოდ როცა გააცხელებთ ტაფაზე, უკვე საკმაოდ დაზიანებული და ოქსიდირებული ზეთი ხდება კიდევ უფრო ტოქსიკური.

ახლა ვისაუბროთ იმაზე თუ კონკრეტულად რაში გამოიხატება ეს ტოქსიკურობა. უპირველესყოვლისა ეს არაჯანსაღი ზეთები იწვევს ძალიან დიდი ოდენობით ქრონიკულ ანთებით პროცესებს თქვენს ორგანიზმში. არაერთი კვლევა აჩვენებს რომ ასეთი ზეთების გამოყენების შედეგად სისხლში იმატებს სწორედ ანთებითი პროცესების მანიშნებელი ბიომარკერები, როგორიც არის C რეაქტიული ცილა, ინტერლეუკინ-6, TNF-α და ა.შ.

თვითონ ქრონიკული ანთებითი პროცესები არის ერთ-ერთ ყველაზე დიდი საფრთხე თქვენი ჯანმრთელობისთვის და ზრდის პრაქტიკულად ყველანაირი დაავადების განვითარების რისკებს. ანთებითი პროცესები აზიანებს თქვენს უჯრედებს, ქსოვილებს, არტერიებს, სახსრებს, აზიანებს ორგანოებს, აზიანებს კანის სტრუქტურას და იწვევს უამრავ კანის პრობლემას, იწვევს მაღალ არტერიულ წნევას, სერიოზულად ზრდის გულის დაავადებების განვითარების რისკებს, აზიანებს კუჭის მიკროფლორას, აჩქარებს დაბერების პროცესს და ა.შ. და ა.შ.

ასევე ეს არაჯანსაღი ზეთები გხდით უფრო და უფრო ინსულინ რეზისტენტულს, რაც არის ერთი მხრივ პრედიაბეტური მდგომარეობა ანუ უფრო იზრდება მეორე ტიპის დიაბეტის, იგივე შაქრიანი დიაბეტის განვითარების რისკები, ხოლო მეორე მხრივ ეს უფრო მიდრეკილს გხდით თუნდაც წონის მატებისკენ და ზოგადად ეს ნიშნავს რომ არაჯანსაღი ზეთები აზიანებს თქვენს მეტაბოლურ ჯანმრთელობას, რაც ცალსახად არის თქვენი ზოგადი ჯანმრთელობის საფუძველი.

დამატებით ასეთი ტოქსიკური ზეთები მათ შორის აზიანებს ქოლესტერინს და თუ კი რაიმე უარყოფითი გსმენიათ ქოლესტერინზე, რეალურად ეს ყველაფერი მოდის ქოლესტერინის დაზიანებისგან, თორემ თვითონ ქოლესტერინს თქვენი ორგანიზმი, თქვენი ღვიძლი აწარმოებს ყოველდღიურად, რადგან სასიცოცხლოდ მნიშვნელოვანია. მაგრამ როცა თქვენს ორგანიზმში ხვდება ოქსიდირებული ზეთი, შესაბამისად ეს იწვევს ქოლესტერინის ოქსიდაციას, დაზიანებას და ეს უკვე ზრდის გულის დაავადებების რისკებს, რაც დღევანდელ სამყაროში ერთ-ერთი ყველაზე დიდი პრობლემაა.

მოკლედ ძალიან რომ არ გამიგრძელდეს, ტოქსიკური ზეთების მიერ გამოწვეულ პრობლემებზე საუბარი საათობით შეიძლება, თუმცა მგონი გასაგებია რამხელა ზიანი შეიძლება მოგაყენოთ ასეთი ზეთების გამოყენებამ. აქედან გამომდინარე თქვენ რეალურად გაქვთ 2 არჩევანი: ერთი რომ მაქსიმალურად მოერიდოთ და ამოიღოთ ჩამოთვლილი არაჯანსაღი ზეთები თქვენი რაციონიდან ან შეგიძლიათ ჩაანაცვლოთ ჯანსაღი ალტერნატივებით.

სხვათაშორის ჯანსაღი ზეთებია ცივი დაწურვის ზეითუნის და ქოქოსის ზეთები, რომლებიც შეგიძლიათ გამოიყენოთ როგორც ცივ კერძებში, ასევე შესაწვავად. მთავარი ისაა რომ ეს ორი ზეთი არის სრულიად ბუნებრივი, მზადდება მხოლოდ ცივი დაწნეხვის მეთოდით, არ აცხელებენ მაღალ ტემპერატურაზე, არ არის ჩართული ქიმიკატები, არც რაიმე გადამუშავების პროცედურები, არ უცვლიან ამ ზეთებს ქიმიურ სტრუქტურას და ეს ზეთები სრულიად ინარჩუნებს ბუნებრივ ფორმას, რაც ყველაზე მნიშვნელოვანია.

ზოგადად თუ მცენარიდან ბუნებრივად, ადამიანის მინიმალური ჩარევით ზეთის მიღება არ არის შესაძლებელი, ეს ნიშნავს რომ ზეთი არაჯანსაღია, იმიტომ რომ ერთადერთი გზა ასეთი პროდუქტებიდან ზეთის მისაღებად არის ჰიპერგადამუშავების პროცედურები, რის შედეგადაც ვიღებთ სრულიად არანატურალურ ტოქსიკურ ზეთს.

ამიტომ თუნდაც თუ შეგხვდებათ ისეთი ზეთი რომელიც არ მიხსენებია, უბრალოდ დაფიქრდით რამდენად იქნებოდა შესაძლებელი ამ კონკრეტული პროდუქტიდან ზეთის გამოწურვა ბუნებრივად, რაღაც კიმიკატების ჩართვის გარეშე და თავად მიხვდებით არის თუ არა ზეთი ჯანსაღი და ნატურალური.

ასევე ზეთების კონტექსტში ხშირად მეკითხებიან ხოლმე, რომ არის თუ არა მაგალითად კახური ზეთი ჯანსაღი და მოკლედ გეტყვით რომ კახური ზეთი ნამდვილად ჯობს ჩამოთვლილ არაჯანსაღ ზეთებს იქიდან გამომდინარე რომ ნაკლებად გადამუშავებულია, თუმცა რეალურად მაინც არ არის ჯანსაღი ჩამოთვლილი ფაქტორებიდან გამომდინარე.

რა თქმა უნდა, განმარტებისთვის უნდა ითქვას, რომ აქ საუბარია არაჯანსაღი ზეთების ყოველდღიურად ან ზოგადად ხშირ გამოყენებაზე, თორემ ათასში ერთხელ რომ მიიღოთ, თქვენი ორგანიზმი თავისუფლად გაუმკლავდება ამ ყველაფერს თუ სხვაგვარად ჯანსაღად იკვებებით. ზოგიერთი ზეთი რაც ვიდეოს დასაწყისში დავასახელე შეიძლება არ გეცნოთ, მაგრამ თუ პროდუქტების ეტიკეტებს თვალს გადაავლებთ ხოლმე, ნახავთ რამდენ პროდუქტშია მაგალითად სოიოს ზეთი, რაფსის ზეთი და ა.შ., ასევე რესტორნებშიც ხშირად იყენებენ იქიდან გამომდინარე რომ ბევრად იაფია.

თუ მოგეწონათ ეს ვიდეო, გაუზიარეთ თქვენს მეგობრებს და ჩვენს სხვა ვიდეოებსაც გადახედეთ, რადგან დაგაინტერესებთ აუცილებლად. დღეისათვის კი სულ ეს იყო, შევხვდებით შემდეგ ვიდეოში.

Share

Post comment

Your email address will not be published. Required fields are marked *