ყავა კბილებს აზიანებს? მითი თუ რეალობა

მრავალი წლის განმავლობაში, ალბათ ჯერ კიდევ ბავშობიდან მესმოდა ხოლმე რომ ყავა კბილებისთვის ძალიან ცუდია, კბილებს ასუსტებს და მოერიდე მაქსიმალურად, მაგრამ დრო გავიდა და აღმოჩნდა რომ ყავა არც თუ ისე დამაზიანებელი ყოფილა კბილებისთის. ამ ვიდეოში ყავის უარყოფით და დადებით მხარეებს არ განვიხილავთ, მაგრამ რაც შეეხება კბილებს, ნამდვილად გაზვიადებულია ინფორმაცია და ყავისკენ თითს ვერ გავიშვერთ მაინც და მაინც.

რამდენიმე საკითხი არსებობს რის გამოც ყავას ცოტა ალმაცერად უყურებენ ხოლმე, მაგრამ ყველაზე გავრცელებული არის ის მოსაზრება, რომ ყავა ორგანიზმიდან გამოდევნის მინერალ კალციუმს და რადგან კალციუმი ზემნიშვნელოვანია კბილებისთვის და ძვლებისთვის ზოგადად, ამიტომ ყავა გამოდის რომ აზიანებს კბილებს. ეს არის რეალურად ნახევრად სიმართლე, იმიტომ რომ კი, ყავა გამოდევნის ორგანიზმიდან კაციუმს, მაგრამ ეს კალციუმის ოდენობა არის სუპერ მინიმალური.

1 ჭიქა ყავა გაკარვინებთ დაახლოებით 5 მგ კალციუმს და ეს იმდენად მცირე ოდენობაა, რომ მაგალითისთვის 100 გრამი ყველი შეიცავს საშუალოდ 500-დან 1000 მილიგრამამდე კალციუმს. მხოლოდ 100 გრამი ყველი, და ახლა წარმოიდგინეთ რამდენი ჭიქა ყავა უნდა დალიოთ, რომ კალციუმი რაიმე სერიოზული ოდენობით დაკარგოს ორგანოზმმა და ამით კბილებს შეექმნას პრობლემა.

ასევე ზოგ შემთხვევაში შეიძლება ადამიანს ქონდეს ზედმეტად ბევრი კალციუმი ორგანიზმში, რაც მაგალითად ზრდის თირკმელებში კენჭების გაჩენის რისკს და თუ ყავა ცოტა კალციუმს გამოიტანს ორგანიზმიდან, შეიძლება ეს ზოგ შემთხვევაში პირიქით სასარგებლოც კი იყოს.

გარდა ამისა ბევრი ადამიანი სვამს ყავას რძით ან ნაღებით და ერთიც და მეორეც საკმაო ოდენობით შეიცავს კალციუმს, ამიტომ ასეთ შემთხვევაში არათუ კალციუმს არ კარგავთ, არამედ უფრო მეტ კალციუმს იღებთ პირიქით. მოკლედ კალციუმზე ღელვა არ ღირს ამ სიტუაციაში.

მეორე საკითხი რაზეც ამბობენ რომ კბილებს აზიანებს არის ყავის მჟავიანომა, რომ მოკლედ ყავას აქვს უფრო მაღალი მჟავიანობის დონე ვიდრე მაგალითად წყალს და ძლიერ მჟავას შეუძლია დააზიანოს კბილის ემალი. ესეც იგივენაირად ნახევრად სიმართლეა, იმიტომ რომ ძლიერ მჟავას ნამდვილად შეუძლია კბილის ემალის დაზიანება, თუმცა ყავას არანაირი გამორჩეულად ძლიერი მჟავიანობა არ ახასიათებს.

მაგალითისთვის წყლის PH ანუ მჯავიანობის დონე არის 7, იგივე ნეიტრალური, ხოლო ყავის PH არის 5. ტექნიკურად რაც უფრო ცოტაა რიცხვი, ეს უფრო ძლიერ მჟავიანობას ნიშნავს, მაგრამ ეს არ არის საკმარისი კბილის სტრუქტურის დასაზიანებლად. თითქმის ყველანაირ ბოსტნეულს იგივე მჟავიანობის დონე აქვს მაგალითად და ხილს საერთოდ რამდენჯერმე უფრო მეტი.

რეალურად საკვების უმეტესობას ბევრად უფრო ძლიერი მჟავიანობა აქვს და მაგ ლოგიკით ყველას კბილები უნდა გვცვიოდეს. იმაზე რომ აღარაფერი ვთქვათ, რომ ძლიერი მჟავიანობა ყოველთვის ცუდი ან კარგი არ არის, თუმცა ეგ კიდევ სხვა ვიდეოს თემაა. მოკლედ არც ყავის მჟავიანობა წარმოადგენს პრობლემას და ესეც ჰიპერ გაბუქებული საკითხია.

რაც ყავას რეალურად შეუძლია დააზიანოს ან გამოიწვიოს უფრო, არის კბილის ფერის შეცვლა და შეიძლება ამ მიზეზით მოერიდოთ ყავას, თუმცა ეს არ არის ექსკლუზიურად ყავის თვისება და ნებისმიერი პროდუქტი რომელსაც აქვს რაღაც ფერი, არ აქვს მნიშვნელობა ბუნებრივია თუ არაბუნებრივი, ასევე მოქმედებს კბილების ფერზე და ამის გამო მაინც და მაინც ყავას რატომ უნდა მოვერიდოთ არვიცი. კი ვისურვებდი რომ ყავა არ მოქმედებდეს კბილების ფერზე, მაგრამ ასევე ვისურვებდი რომ არც არაფერი მოქმედებდეს, თუმცა იდეალურ სამყაროში არ ვცხოვრობთ სამწუხაროდ.

ყავაზე მაქვს კიდევ ერთი ძალიან საინტერესო ვიდეო და გირჩევთ უყუროთ, ხოლო თუ გინდათ კბილები უფრო გაიძლიეროთ და გაიჯანსაღოთ, ჯობს D ვიტამინი და K ვიტამინი მიიღოთ. ეს ვიტამინები საჭიროა კალციუმის არამხოლოდ ასათვისებლად, არამედ იმისთვის რომ ათვისებული კალციუმი მოხვდეს უკვე კბილებში და გააძლიეროს კბილების სტრუქტურა.

ხშირ შემთხვევაში ადამიანები ეძალებიან ხოლმე კალციუმის შემცველ საკვებს ან საკვებ დანამატებს, მაგრამ თუ D და K ვიტამინები არ გაქვთ ორგანიზმში საკმარისად, კალციუმი გამოუსადეგარია და ვერც კბილებს გააძლიერებს, რეალურად უფრო გვერდითი ეფექტები ექნება. ამ ვიტამინებზეც გვაქვს ვიდეოები რა თქმა უნდა, დღეისათვის კი სულ ეს იყო, შევხვდებით შემდეგ ვიდეოში.

Share

Post comment

Your email address will not be published. Required fields are marked *