სელის ზეთი და კაკალი არ შეიცავს ომეგა 3 -ს! - Ketogen.ge

სელის ზეთი, კაკალი, ჩიას მარცვლები და ზოგადად არცერთი მცენარე არ შეიცავს ომეგა 3-ს, ეს არის მითი, თანაც ერთ-ერთი ყველაზე გავრცელებული, რომელსაც ხშირად თვითონ ექიმებიც ავრცელებენ, თუმცა რეალურად ომეგა 3-ის ერთადერთი კარგი წყარო თევზი და თევზის ცხიმია მხოლოდ. ახლა მოდით ცოტა უკან გადავხვიოთ და უფრო დეტალურად განვიხილოთ ეს საკითხი.

თეორიულად, ტექნიკურ დონეზე რამდენიმე მცენარეს ნამდვილად აქვს გარკვეული ოდენობით ომეგა 3, მაგრამ პრობლემა იმაშია რომ მცენარეები შეიცავს ომეგა 3-ის არააქტიურ ფორმას, რაც არის ეგრედწოდებული ALA ანუ ალფა-ლინოლენის მჟავა და რაც ორგანიზმისთვის პრაქტიკულად გამოუსადეგარია. ამიტომ ტექნიკურ დონეზე კი ომეგა 3 ქვია, მაგრამ თუ თქვენ ვერ გამოიყენებთ, მაშინ რატომ უნდა გვაღელვებდეს მისი არსებობა. ამიტომ ვამბობ რომ მცენარეებში ომეგა 3 არ არის, ნუ მინიმუმ ის ომეგა 3, რომლის სასარგებლო თვისებებიც ცნობილია და რომელიც გვჭირდება ადამიანებს.

ომეგა 3-ის აქტიური და გამოსადეგი ფორმა არის ეგრედწოდებული EPA და DHA ანუ ეიკოზაპენტანის მჟავა და დოკოზაჰექსანის მჟავა, რაც ალბათ უკვე მიხვდებოდით რომ არის მხოლოდ თევზში. ყველანაირი სასარგებლო თვისება რაც კი ომეგა 3-ზე გაგიგიათ არის თევზში შემავალი ამ 2 სახის ომეგა 3-ის დამსახურება.

მეორემხრივ თქვენი ორგანიზმი ძალიან ჭკვიანია და მუდმივად ცდილობს რომ რესურსები გამოიყენოს რაც შეიძლება ეფექტურად, ამიტომ ზოგ შემთხვევაში თქვენს ორგანიზმს შეუძლია მცენარეებიდან მიღებული არააქტიური ომეგა 3 დააკონვერტიროს, გარდაქმნას და აქციოს ომეგა 3-ის აქტიურ ფორმად, რაც არის უკვე ნახსენები EPA და DHA, რა თქმა უნდა. ანუ ორგანიზმი ცდილობს თქვენი მიწოდებული ნივთიერებებიდან მაქსიმალური სარგებლის ამოღებას, თუმცა აქ პრობლემა უკვე ის არის, რომ ეს პროცესი ძალიან არაეფექტურად მუშაობს და ორგანიზმს შეუძლია საშუალოდ მხოლოდ 4% გარდაქმნას ყველაზე კარგ შემთხვევაში, რაც ძალიან ცოტაა.

ამას დამატებული ძალიან ბევრ ადამიანს აქვს პოლიმორფიზმი ანუ გენეტიკური მუტაცია და ასეთ შემთხვევაში შეიძლება უფრო ნაკლები კონვერტაციის შესაძლებლობა ქონდეს თქვენს ორგანიზმს ან შეიძლება საერთოდ არ შეგეძლოთ არააქტიური ომეგა 3-ის გარდაქმნა და გამოყენება თუნდაც მცირე ოდენობით.

აქედან გამომდინარე არც კაკალი, არც სელის ზეთი და არც სხვა მცენარე არ გამოგადგებათ ომეგა 3-ის საჭირო ოდენობის მისაღებად, ვინაიდან როგორც უკვე ვახსენეთ ამ მცენარეული ომეგა 3-ის ან სულ რამდენიმე პროცენტს აითვისებს თქვენი ორგანიზმი და ან ვერ აითვისებს საერთოდ.

სხვათაშორის ეს ყველაფერი სულაც არ არის ახალი ინფორმაცია, მიუხედავად იმისა რომ ძალიან ცოტა ადამიანმა თუ იცის და სამწუხაროდ ბევრი სამედიცინო სფეროს ცნობილი  წარმომადგენლისგან მოგვისმენია სრულიად არასწორი განცხადებები ომეგა 3-თან დაკავშირებით, როცა რეალურად ამ ყველაფერს მუდმივად ამტკიცებს არაერთი სამედიცინო კვლევა ბოლო რამდენიმე ათეული წლის განმავლობაში.

მაგალითად 2014 წელს მეცნიერებმა შეაჯამეს 7 კლინიკური კვლევა და ნახეს რომ ამ კვლევებში მცენარეული ომეგა 3 საერთოდ არ დაკონვერტირდა ომეგა 3-ის აქტიურ ფორმაში. 1998 წელს ასევე კვლევათა შეჯამებისა და განვიხლის შედეგად დადგინდა რომ მცენარეული არააქტიური ომეგა 3-ის მხოლოდ რამდენიმე პროცენტი გარდაიქმნა აქტიურ ომეგა 3-ად. 2018 წელს გამოქვეყნებულმა კვლევამ აჩვენა რომ ისევ და ისევ მცენარეული ომეგა 3-ის მიღებამ არ შეცვალა ომეგა 3-ის საერთო კონცენტრაცია ორგანიზმში. ასეთი უამრავი კვლევა შეგვიძლია მოვიყვანოთ მაგალითად, მაგრამ შედეგი ყველა კვლევაში ერთი და იგივეა

ამ ყველაფრის შემდეგ თუკი ვინმე გეტყვით რომ ომეგა 3-ის საუკეთესო წყარო ან თუნდაც უბრალოდ კარგი წყარო არის ან კაკალი ან სელის ზეთი ან ნებისმიერი მცენარე, უკვე შეგიძლიათ იცოდეთ რომ ეს ადამიანი მინიმუმ 30 წლით ჩამორჩება ინფორმაციას და შეგიძლიათ ეს ვიდეო თამამად გაუგზავნოთ, ისევე როგორც კარგი იქნება თუ გაუზიარებთ ამ ვიდეოს თქვენს მეგობრებს.

არც კაკალს და არც სხვა მცენარეებს არაფერს ვერჩი, ნამდვილად ჯანსაღი პროდუქტია და მიირთვით, თუმცა უბრალოდ ნუ გექნებათ მოლოდინი რომ აქედან ომეგა 3-ს მიიღებთ.

აქვე სამართლიანობისთვის უნდა ვახსენოთ რომ ისევე როგორც თითქმის ყველაფერშია გამონაკლისები, აქაც გვაქვს ერთი გამონაკლისი და არსებობს რამდენიმე წყალმცენარე, რომლებიც შეიცავს ომეგა 3-ის აქტიურ ვერსიას DHA-ს და EPA-ს, ნაცვლად არააქტიური ალფა-ლინოლენის მჟავისა, რაზეც უკვე ვისაუბრეთ. ომეგა 3-ზე კიდევ რამდენიმე ვიდეო მაქვს და გირჩევთ უყუროთ, ჩვენ კი შევხვდებით შემდეგ ვიდეოში.

გაზიარება

კომენტარები

Your email address will not be published. Required fields are marked *