როგორ მოვიშოროთ სახსრების ტკივილი წამლების გარეშე ?

ეს არის საკითხი, რომელზეც უამრავი ადამიანი გვეკითხება მუდმივად და მოკლედ დღეს მინდა ვისაუბროთ სახრების ტკივილზე და როგორ მოიშოროთ ან მინიმუმამდე შეამციროთ ბუნებრივად ყველანაირი მედიკამენტების გარეშე, რადგან ყველა წამალს აქვს გვერდითი ეფექტები და ყოველთვის ჯობს რაც შეიძლება ბუნებრივად მოაგვაროთ პრობლემა. რა თქმა უნდა, როცა სახსრების ტკივილზე ვსაუბრობთ, ეს არ არის ერთ განზომილებიანი საკითხი, რომ ვთქვათ ერთი გამომწვევი მიზეზი ქონდეს, თუმცა დღეს ვისაუბრებთ ყველაზე დიდ და გავრცელებულ პრობლემაზე, რაც იწვევს მათ შორის სახრების ტკივილსა და დისკომფორტს. სხვათაშორის ეს პრობლემა სულაც არ არის ასაკი, რასაც დარწმუნებული ვარ ხშირად მოისმენდით სხვადასხვა ადამიანებისგან. კი ასაკი თამაშობს როლს თუმცა, მთავარი საკითხი საერთოდ არ არის.

უპირველესყოვლისა ვთქვათ რა პრობლემაზეა საუბარი და ყველაზე გავრცელებული პრობლემა არის ქრონიკული ანთებითი პროცესები, რასაც ძირითადად იწვევს არაჯანსაღი კვება. უფრო კონკრეტულად საუბარია არაჯანსაღი ცხიმების გამოყენებაზე, როგორიც არის მზესუმზირის ზეთი, სიმინდის ზეთი, სოიოს ზეთი, ყურძნის წიპწის ზეთი, მარგარინი და ა.შ. , ხოლო მეორე მხრივ პრობლემაა ასევე ბევრი ნახშირწყლებისა და შაქრების მიღება, რაც არის ცომეული, ტკბილეული, ბურღულეული და პარკოსნები ძირითადად. ეს პროდუქტები სხვადასხვა მექანიზმებით იწვევენ ძალიან დიდი ოდენობით ქრონიკულ ოქსიდაციურ სტრესსა და ანთებით პროცესებს, რაც აზიანებს თქვენს არტერიებს, სხვადასხვა ორგანოებს, უჯრედებს და მათ შორის სახრებს, რა თქმა უნდა. ქრონიკულ ანთებით პროცესებს შეუძლია როგორც გამოიწვიოს სახრების ტკივილი, ასევე შესაძლებელია გაამწვავოს უკვე არსებული პრობლემა და უფრო მეტი დისკომფორტი შეგიქმნათ.

მედიკამენტების უმეტესობაც რაც ასეთ დროს ინიშნება არის ანთებითი პროცესების შემამცირებელი წამლები, თუმცა ეს არის მხოლოდ სიმპტომთან ბრძოლა და არა რეალური და ძირეული პრობლემის მოგვარება, თანაც როგორც უკვე ვთქვი ყველა წამალს აქვს გვერდითი ეფექტები და დიდი ხნის განმავლობაში გამოყენება გარკვეულ რისკებს შეიცავს, როგორიც არის მაგალითად თირკმელების დაზიანება. ამიტომ ჯობს რომ თქვენი კვება გამოასწოროთ, რაც არის N1 პრობლემა როგორც წესი და დაიწყეთ ნელ-ნელა ჯანსაღად კვება.

ამოიღეთ ჩამოთვლილი პროდუქტები თქვენი რაციონიდან და ჩაანაცვლეთ ჯანსაღი პროდუქტებით, როგორიც არის ხორცი, კვერცხი, თევზი, ბოსტნეული, თხილეული, რძის პროდუქტები, მწნილები და ა.შ. ეს პროდუქტები არ შეიცავს არცერთ არაჯანსაღ ნივთიერებას, არ შეიცავს ბევრ ნახშირწყლებს, არ შეიცავს არაჯანსაღ ცხიმებს, არ შეიცავს სხვადასხვა არაჯანსაღ ნივთიერებებს როგორიც არის თუნდაც გლუტენი, რაც ალბათ გაგიგიათ და რაც ასევე იწვევს ანთებით პროცესებს.

კარგი სიახლე ამ ამბავში ის არის, რომ როგორცკი დაიწყებთ ჯანსაღად კვებას, პირველივე რამდენიმე კვირაში იგრძნობთ უკვე გაუმჯობესებას და დიდხანს ლოდინი არ მოგიწევთ მაინც და მაინც. ასეთი კვების სტილს სხვათაშორის კეტოგენური კვება იგივე კეტო დიეტა ქვია, რაზეც უამრავი ვიდეო გვაქვს და გირჩევთ უყუროთ უფრო მეტი ინფორმაციის მისაღებად. ჩვენს საიტზე Ketogen.ge ნახავთ პროდუქტების უფრო ვრცელ და სრულ სიას, რომლებიც შეგიძლიათ მიირთვათ ჯანსაღად კვების დროს. ასევე თუ გაქვთ ზედმეტი წონა, ესეც არის ფაქტორი რომელსაც უფრო მეტად შეუძლია გაამწვავოს მდგომარეობა და სახსრების ტკივილი, იქიდან გამომდინარე რომ ზედმეტი ცხიმი აწარმოებს ნივთიერებებს, სახელად ციტოკინები, რაც არის ანთებითი პროცესების გამომწვევი და მოკლედ კეტოგენური კვება ანუ ჯანსაღი კვება წონის კლებაშიც დაგეხმარებათ ყველაფერთან ერთად.

ჯანსაღ კვებას ცალსახად შეუძლია დაგეხმაროთ სახსრების ტკივილის სერიოზულად შემცირებაში ან სულაც მოშორებაში, რეალურად თქვენ შეიძლება აღარც დაგჭირდეთ ის მედიკამენტები, რომლებსაც შეიძლება ყოველდღიურად იღებთ. როგორც მინიმუმ ცდას წინ არაფერი უდგას და ყველანაირად გირჩევდით რომ დაიწყოთ კეტოგენური კვება, დაიწყოთ ჯანსაღად კვება და შემდეგ უკვე გაგვიზიარეთ როგორ შედეგებს მიიღებთ. როგორც უკვე ვახსენე, გაუმჯობესებას პირველ რამდენიმე კვირაშივე იგრძნობთ, თუმცა სასურველია 2-3 თვე მაინც იკვებოთ ჯანსაღად სრული შედეგის მისაღებად.

ამ ყველაფერს დამატებული თუ გინდათ კიდევ ერთი ნაბიჯი გადადგათ წინ, შეგიძლიათ დალიოთ ხარისხიანი D ვიტამინის და ომეგა 3-ის საკვები დანამატები, როგორც არაერთი კლინიკური კვლევა აჩვენებს, ორივე დანამატს შეუძლია სერიოზულად დაგეხმაროთ ქრონიკული ანთებითი პროცესების შემცირებაში და შესაბამისად სახსრების ტკივილის შემცირებაში. ორივეზე გვაქვს ცალ-ცალკე ვიდეოები და გირჩევთ ამასაც გაეცნოთ. რაც ყველაზე მთავარია ბუნებრივ ვიტამინებს არ აქვთ გვერდითი ეფექტები წამლებისგან განსხვავებით.

რა თქმა უნდა, სახსრების ტკივილის გამომწვევი სხვა მიზეზებიც არსებობს, მაგალითად რაიმე ტრამვა, მაგრამ კვებას ძალიან დიდი როლი აქვს ამ საკითხში და ამიტომ პირველი კვებაა გამოსასწორებელი და შემდეგ ყველაფერი სხვა. თუ ვიდეო მოგეწონათ, კარგი იქნება თუ გაუზიარებთ თქვენს მეგობრებს, რომ მათაც მიიღონ სწორი ინფორმაცია და არ სჯეროდეთ რომ უბრალოდ ასაკის ბრალია და თითქოსდა არაფრის გაკეთებაა შესაძლებელი, რაც ნამდვილად არ შეესაბამება სიმართლეს. დღეისათვის კი სულ ეს იყო, შევხვდებით შემდეგ ვიდეოში.

Share

Post comment

Your email address will not be published. Required fields are marked *