ტკბილეულის მოთხოვნილება და ტკბილეულზე დამოკიდებულება ალბათ არის დღევანდელი მსოფლიოს N1 სენი, მაგრამ რეალურად სწორი სტრატეგიით თავისუფლად შეგიძლიათ მოიშოროთ ტკბილეულის მოთხოვნილება.
თავიდან ვისაუბროთ იმაზე თუ საერთოდ რა იწვევს ტკბილეულზე დამოკიდებულებას და შესაბამისად ჩამოვაყალიბებთ გზებს თუ როგორ დავძლიოთ მოთხოვნილებაც.
უპირველესყოვლისა მიზეზი, რატომაც ბევრი ადამიანი ვერ ეშვება ტკბილეულს არის დოპამინი. როგორცკვი თქვენ მიიღებთ ტკბილეულს, თქვენი გონება გამოყოფს დოპამინს, რაც გაძლევთ გარკვეულ სიამოვნების შეგრძნებას და თქვენი განწყობაც უმჯობესდება .
და ეს საკმაოდ დადებითი მოვლენა იქნებოდა, შაქარს დიდი ზიანი რომ არ მოჰქონდეს ორგანიზმისთვის და მიჩვევას რომ არ იწვევდეს. სხვათაშორის მსგავსი ეფექტი აქვს დოპამინზე სხვადასხვა ნარკოტიკს: კოკაინს, ამფეტამინს და ა.შ. ასევე ნიკოტინი და ალკოჰოლიც ასტიმულირებემ დოპამინს.
ამიტომ თუ არ იცოდით, შეიძლება ვთქვათ, რომ შაქარიც ნარკოტიკია და სწრაფი ფაქტი, ერთ-ერთ ჩატარებულ კვლევაში თაგვების 94% შაქარზე უფრო დამოკიდებული გახდა ვიდრე კოკაინზე.
და ერთი მხარეა, რომ შეჩვევას იწვევს, თუმცა მეორე მხრივ თქვენი გონება შეიძლება ითქვას ეჩვევა თვითონ დოპამინს, რაც ნიშნავს რომ ნელ-ნელა დოპამინი გარკვეულწილად კარგავს ძალას და ამიტომ საჭირო ხდება უფრო და უფრო მეტი ტკბილის დამატება რაციონში იგივე ეფექტის მისაღებად. ზუსტად ასე ნელ-ნელა ეჩვევით შაქარს და ტკბილეულს.
შესაბამისად ნათელია, რომ პირველი შაქარი უნდა ამოიღოთ რაციონიდან რომ გააქროთ ტკბილეულის მოთხოვნილება. ასევე მინიმუმამდე დაიყვანოთ ნახშირწყლებიც, რადგან ნახშირწყლები ორგანიზმში მოხვედრის შემდეგ ძალიან მალე ისევ შაქრად ანუ გლოკოზად მოგვევლინებიან.
და ახლა თქვენ შეიძლება იფიქროთ, ზუსტად იმიტომ ვუყურებ ამ ვიდეოს რომ შაქარს და ტკბილეულს ვერ ვიშორებ და ასეთი მარტივი რომ იყოს ისედაც აღარ გავეკარებოდიო და კი ახლა ვისაუბრებთ როგორ გავამარტივოთ ეს ყველაფერი, თუმცა მანამდე საკითხი დგას შემდეგნაირად.
თქვენ ტკბილეული გინდათ იმიტომ რომ იღებთ შაქრებს და არა პირიქით, ამიტომ შაქრის ამოღების გარეშე არ გამოვა არაფერი თუნდაც ყველა რჩევა გაითვალისწინოთ, რაზეც ცოტახანში გადავალთ.
თანაც შაქარი ნელ-ნელა კი არ უნდა ამოიღოთ ან რაიმე მსგავსი, უბრალოდ ერთიანად უნდა გააქროთ და მხოლოდ ეს მოგცემთ ეფექტს.
კი თავიდან გექნებათ გარკვეული მოთხოვნილება, მაგრამ თქვენ შეამჩნევთ, რომ რამდენჯერაც უარს ეტყვით საკუთარ თავს ტკბილის მიღებაზე, იმდენჯერ უფრო გაგიქრებათ მოთხოვნილებაც.
ასევე თქვენს კუჭში ცხოვრობენ არასასარგებლო ბაქტერიები, რომლებიც იკვებებიან შაქრით და უყვართ შაქარი, ამიტომ გარდა დოპამინის ფაქტორისა, ეს ბაქტერიებიც ითხოვენ იმ თავიანთ შაქრის პორციას რომ იკვებონ და გადარჩნენ.
თუმცა ამ ბაქტერიებს არ შეუძლიათ დიდხანს ცხოვრება საკვების გარეშე და ესეც არის ერთ-ერთი მიზეზი, რატომაც როცა თვენ ამოიღებთ შაქარს, ეს ბაქტერიებიც ნელ-ნელა ქრებიან და მოთხოვნილებაც იკლებს.
და თუ თქვენ შეეცდებით რომ ნელ-ნელა მოიშოროთ შაქარი, რეალურად ეს ბეევრად გაგირთულებთ საქმეს, იმიტომ რომ ასეთ შემთხვევაში დოპამინის ეფექტი ისევ რჩება, დამოკიდებულება ისევ რჩება, ეს ბაქტერიებიც ისევ ცოცხლობენ და სანამ სრულად არ ამოიღებთ შაქრებს და ნახშირწყლებს, მანამდე არ დაიწყება თქვენი და ტკბილეულზე დამოკიდებულების დაშორების ამბები.
ახლა გადავიდეთ უკვე ისეთ მეთოდებზე, რომლებიც ცდება მხოლოდ შაქრის ამოღებას. პირველი რაც დაგეხმარებათ ტკბილეულის დამარცხებაში არის ცხიმები და საჭიროა, რომ ყოველი კვების დროს მიიღოთ საკმაო ოდენობით სასარგებლო ცხიმები, როგორიც არის ცხოველური ცხიმები, კარაქი, ყველი, ზეითუნის ზეთი, ქოქოსის ზეთი და ა.შ.
ცხიმი თავისთავად არის ნივთიერება რომელიც ყველაზე მეტად აკმაყოფილებს თქვენი საკვების მოთხოვნილებას და შესაბამისად ტკბილეულის მოთხოვნილებასაც. და თუ თქვენ მიიღებთ საკმაო ოდენობით ცხიმებს, პრაქტიკულად აღარ გექნებათ სურვილი რომ კიდევ დაამატოთ რაიმე ტკბილი საკვები.
რა თქმა უნდა, აქ საუბარი არ არის რომ ცალკე ზეითუნის ზეთი სვათ ან კარაქი ჭამოთ, უბრალოდ საკვების შემადგენლობაში უნდა იყოს ბევრი ცხიმი. შეგიძლიათ მიირთვათ ხორცი, ან ბოსტნეულთან ერთად ან წვიანი ან როგორც გენებოთ.
სხვათაშორის ზუსტად ეს არის კეტოგენური დიეტა, მინიმალური ნახშირწყლები, საკმაო ოდენობის ცილები და ბევრი სასარგებლო ცხიმები, რაც ძალიან ეფექტურად მუშაობს ტკბილეულის მოსაშორებლად, წონის დასაკლებად და ა.შ.
დოპამინის საკითს რომ დავუბრუნდეთ ცოტახნით, თვითონ დოპამინის გამოყოფას არ იწვევს მხოლოდ არაჯანსაღი რაღაცები, შეგიძლიათ დოპამინზე იმოქმედოთ უფრო ჯანსაღი მეთოდებითაც. რეალურად ყველაფერი რაც თქვენ მოგწონთ და გსიამოვნებთ, ტვინში იწვევს დოპამინის გამოყოფას.
ამიტომ ჩაანაცვლეთ შაქრისგან მიღებული დოპამინი, უფრო ჯანსაღი მიდგომებით. ისეირნეთ მზიან ამინდში, გაერთეთ მეგობრებთან ერთად, ჩაეხუტეთ საყვარელ ადამიანებს, დაკავდით ჰობით, სექსუალური აქტივობით და ა.შ.
ასევე ტკბილეულის დამარცხებაში დაგეხმარებათ იაპონური მწვანე ჩაი მატჩა. ეს არის მსოფლიოში N1 ჩაი, რომელსაც აქვს ბევრი დადებითი ეფექტი ჯანმრთელობის მიმართულებით, თუმცა ასევე ჩაი მატჩა შეიცავს ამინო მჟავას სახელად L თიანინი და ამ ამინო მჟავას აქვს ძალიან დამამშვიდებელი ეფექტი, რაც დაგეხმარებათ რომ ცოტა მოდუნდეთ და დათრგუნოთ ტკბილეულის მოთხოვნილება.
დასამშვიდებლად და სტრესის შესამცირებლად ასევე ძალიან კარგი საშუალებაა ნუტრიციონული საფუარი, რომელიც დიდი ოდენობით სხვადასხვა სახის B ვიტამინებს შეიცავს და ესეც დაგეხმარებათ ტკბილეულის მოთხოვნილების შემცირებაში.
კიდევ ამ ბრძოლაში დაგეხმარებათ ბოსტნეული, რადგან შეიცავს დიდი ოდენობით კალიუმს, მაგნიუმს, სხვა მინერალებსა და ვიტამინებს, რაც სერიოზულად დაგეხმარებათ ტკბილეულთან ბრძოლაში.
ხშირ შემთხვევაში როცა თქვენ გაქვთ ტკბილეულის მოთხოვნილება, რეალურად თქვენი სხეული ითხოვს ვიტამინებსა და მინერალებს, რაც არის ბოსტნეულში, რა თქმა უნდა. ამიტომ საჭიროა რომ ბევრი ბოსტნეული ჭამოთ დღის განმავლობაში.
შემდეგი რჩევა, რაციონში დაამატეთ საკვები, რომელიც შეიცავს დიდი ოდენობით საკვებ ბოჭკოებს. საკვები ბოჭკოები არის ტექნიკურად ნახშირწყლები, თუმცა იმ განსხვავებით რომ ადამიანის ორგანიზმს არ შეუძლია მისი შეთვისება და ამით იკვებებიან სასარგებლო ბაქტერიები თქვენს კუჭში.
საკვები ბოჭკოებით მდიდარია განსაკუთრებით ჩიას მარცვლები, სელის მარცვლები და ასევე საკმაო ოდენობით არის ბოსტნეულშიც.
თვითონ საკვებ ბოჭკოებს ბევრი დადებითი თვისება აქვს, თუმცა ასევე აქვთ დიდი ოდენობით წყლის ათვისების უნარი, ამიტომ კუჭში ჟელეს მსგავს მასად იშლება და აჩენს დანაყრების შეგრძნებას.
მიუხედავად ყველაფრისა, ჩვენ ყველანი ადამიანები ვართ და შეიძლება გვინდოდეს ხანდახან რაღაც ტკბილი. რეალურად პრობლემა ხომ არ არის სიტკბოში, არამედ პრობლემა იმაშია რომ შაქარს აქვს მილიონი უარყოფითი ეფექტი, სიმსუქნე, მეორი ტიპის დიაბეტი, ანთებითი პროცესები და ა.შ. ამიტომ ვცდილობთ ტკბილეულის მოშორებას.
თუმცა რეალურად არსებობს ბუნებრივი დამატკბობელი, სახელად ერითრიტოლი, რომელსაც არ აქვს არანაირი უარყოფითი ეფექტები. უპირველესყოვლისა არ მოქმედებს სისხლში შაქრის დონეზე, განსხვავებით თვითონ შაქრისგან და შესაბამისად არ ასუქებს, არც დიაბეტს იწვევს, კალორიებიც 16-ჯერ უფრო ცოტა აქვს ვიდრე შაქარს და მოკლედ ყველანაირად ბევრად უკეთესია.
შეგიძლიათ ჩვეულებრივად ჩაანაცვლოთ შაქარი ერითრიტოლით, გამოიყენოთ ჩაიში, ყავაში, სხვადასხვა რეცეპტებში და ა.შ.
ბოლო რჩევა იქნება ცოტა განსხვავებული, იმიტომ რომ არ ეხება რაიმე საკვების მიღებას, და რჩევა მდგომარეობს იმაში, რომ მაქსიმალურად ეცადეთ რომ მოერიდოთ სტრესს და ძილის ნაკლებობას, რაც ისევ სტრესია თქვენთვის.
როცა თქვენ ხართ სტრესულ მდგომარეობაში, არის ბეევრად დიდი შანსი, რომ მთელი ყუთი ტკბილეული ჭამოთ, იმისთვის რომ მიიღოთ უკვე ნახსენები დოპამინის ეფექტი და გაიუმჯობესოთ განწყობა.
თუმცა რა თქმა უნდა, ეს მხოლოდ მცირე ხნიანი ეფექტია და საბოლოოდ სტრესს ამით ვერ დაამარცხებთ, სამაგიეროდ აივსებთ ორგანიზმს ბევრი შაქრით.
საინტერესოა თქვენ როგორი გამოცდილება გაქვთ ტკბილეულთან ბრძოლაში და როგორი მეთოდები გაქვთ, გაგვიზიარეთ და დაწერეთ კომენტარებში. კითხვებიც კომენტარებში შეგიძლიათ დაწეროთ და ჩვენ კი შევხვდებით მომავალ ვიდეოში.
