რატომ გვიტყდება ძილი?

რატომ ხდება რომ საღამოს შეიძლება ძალიან გვეძინება, შეიძლება უკვე თვალები გვეხუჭება მაგრამ როგორცკი რაღაც ზღვარს გადავაბიჯებთ, მაშინვე ვფხიზლდებით და შეიძლება ვეღარც დავიძინოთ. დღეს ვისაუბრებთ რატომ გვიტყდება ძილი და რა დროა საუკეთესო დასაძინებლად.

მოკლედ საქმე რაშია, 2 რამ არის რაც ძალიან ბევრმა ადამიანმა არ იცის, ერთი ისაა რომ თუნდაც როცა თქვენ გძინავთ, ძილი არ არის ერთფეროვნად განგრძობითი მდგომარეობა, რომ მაგალითად დაიძინეთ და მთელი ღამე ერთნაირად გძინავთ. სინამდვილეში ადამიანი ძილის დროს გადის საშუალოდ ძილის 4-5 ფაზას, ზოგ შემთხვევაში 6 ფაზასაც, ამ ფაზებზე დღეს არ ვისაუბრებთ, თუმცა ზოგადი აზრი ისაა, რომ რაღაც მომენტში უფრო ფხიზლად გძინავთ და რაღაც მომენტში უფრო ღრმა ძილით გძინავთ.

მეორე მხრივ საღამოს იწყება ნელ-ნელა მელატონინის მატება, რაც არის ძილის ჰორმონი და რასთან ერთადაც იმატებს ძილის შეგრძნება, თუმცა ამ შემთხვევაშიც სულ მუდმივად ერთნაირად არ გეძინებათ და რეალურად ზოგ მომენტში უფრო მეტად გეძინებათ და ზოგ მომენტში უფრო ნაკლებად. ეს ყველაფერი ზუსტად მიყვება და ემთხვევა იმ ძილის ფაზებს რაზეც ახლა ვისაუბრე.

შეგიძლიათ წარმოიდგინოთ ტალღოვანი გრაფა, რომ კონკრეტულ მონაკვეთში მოდის ძილის ტალღა, რა დროსაც ძილი უფრო მეტად გერევათ და პრაქტიკულად თქვენი ამოცანაა რომ დაიჭიროთ ეს ძილის ტალღა, თორემ თუ როცა გეძინებოდათ, არ დაიძინეთ და ძილის ტალღა გამოტოვეთ, რაღაც პერიოდით უფრო გამოფხილზდებით შემდეგ ძილის ტალღამდე და ზუსტად ამ მდგომარეობას და ამ სიტუაციას ვეძახით სინამდვილეში ძილის გატეხვას. თუმცა რა თქმა უნდა რეალურად არაფერი „გამტყდარა“, ეს დროებითი მოვლენაა და შემდეგ ძილის ტალღასთან ერთად ისევ მოიმატებს ძილიანობის შეგრძნება და დაიძინებთ ჩვეულებრივ.

ეს ძილის ტალღები მოდის დაახლოებით 90 წუთიანი შუალედებით და მაგალითად თუ გეძინებათ 11 საათზე და არ დაიძინეთ იმიტომ რომ ჩემს ვიდეოს უყურებდით და არ გეცალათ, შესაბამისად ძილის ამ ტალღას გამოტოვებთ და დიდია შანსი აღარ დაგეძინოთ დაახლოებით 1-ის ნახევრამდე. თუ 1-ის ნახევარზეც არ დაიძინეთ, შესაბამისად შემდეგი ტალღა იქნება საშუალოდ 2 საათზე და ა.შ.

ეს შეიძლება წარმოვიდგინოთ როგორც მატარებლის გაჩერება სადაც მატარებელი ნელ-ნელა ჩამოივლის ყოველ საათნახევარში ერთხელ და თქვენ უნდა მოასწროთ და ახვიდეთ მოცემულ შუალედში. თუ ვერ მოასწრებთ, შესაბამისად მოგიწევთ დაელოდოთ შემდეგ მატარებელს. თუმცა ისიც გასათვალისწინებელია რომ რაც უფრო მეტ მატარებელს და მეტ ძილის ტალღას გამოტოვებთ, შეიძლება ყოველი შემდეგი ტალღის დროს დაძინება უფრო და უფრო გაგიჭირდეთ.

როგორ უნდა დაიძინოთ მარტივად ამაზე ცალკე ვიდეოც მაქვს და უყურეთ აუცილებლად, თუმცა ყველაზე კარგი იქნება თუ დასაძინებლად დაწვებით დაახლოებით 11-ის ნახევარზე და 11-სთვის უკვე დაგეძინებათ თავისუფლად. რა თქმა უნდა, როდის და როგორ დაგეძინებათ ამაზე სხვა ფაქტორებიც ახდენს გავლენას და ამიტომ უნდა უყუროთ ჩემს მეორე ვიდეოს ძილზე, რომელიც ორი წამის წინ ვახსენე.

თუ მოგეწონათ ეს ვიდეო, გაუზიარეთ მეგობრებს. კიდევ 100-მდე საინტერესო ვიდეო გვაქვს და გადახედეთ აუცილებლად. ასევე თუ რაიმე კონკრეტულ პროდუქტზე ან თემაზე გინდათ რომ გავაკეთოთ ვიდეო, დაწერეთ კომენტარებში. ჩვენ კი შევხვდებით შემდეგ ვიდეოში.

Share

Post comment

Your email address will not be published. Required fields are marked *