რამდენი წყალია საჭირო დღეში? - Ketogen.ge

რამდენი წყალი უნდა მივიღოთ დღეში, ძალიან მარტივი კითხვაა მაგრამ იმდენი პასუხი აქვს რომ მოსმენაც არ მოგინდება, თუმცა დღეს შევეცდები ვუპასუხო ამ კითხვას ისე რომ მაქსიმალურად გასაგები იყოს.

ზოგადად თავიდანვე უნდა მოვიშოროთ ის წარმოდგენები, რომ ვითომდა არსებობს რაიმე განსაზღვრული წყლის ოდენობა რაც ორგანიზმს ჭირდება, არც 2 ლიტრი არც 3 ლიტრი და არც 10 ლიტრი წყალი არ ჭირდება ორგანიზმს და წყლის საჭიროება თითოეული ადამიანის შემთვევაში არის განსხვავებული. ეს დამოკიდებულია იმაზე თუ თქვენი ფიზიკური აქტივობის დონე როგორია, რა საკვები მიიღეთ, რა ნივთიერებები მიიღეთ, რა ოდენობის კუნთოვანი მასა გაქვთ, სეზონსაც მნიშვნელობა აქვს და ა.შ. ამიტომ რეალურად თქვენ უნდა მიიღოთ იმდენი წყალი რამდენსაც მოგთხოვთ თქვენი ორგანიზმი და ეს არის ერთადერთი რეალური მაჩვენებელი იმისა თუ რამდენი წყალი გჭირდებათ. თქვენს ორგანიზმზე უკეთესად არავინ არ იცის ეს საკითხი და წყურვილის მოთხოვნილება ტყუილად არ არსებობს, ამას თავისი დანიშნულება აქვს.

ერთი მხრივ თქვენ თუ იმაზე ნაკლებ წყალს მიიღებთ, ვიდრე ჭირდება ორგანიზმს, ეს პირდაპირ გაზრდის თირკმელებში კენჭების დაგროვების რისკებს, ასევე შეიძლება გამოიწვიოს ყაბზობა, კუნთების ტკივილი, დაღლილობა, თავის ტკივილი და ა.შ. , მაგრამ მეორე მხრივ ზედმეტი წყლის მიღებაც არ არის მთლად უსაფრთხო, რადგან თუ ზედმეტ წყალს მიიღებთ, ორგანიზმი მოიშორებს ამ ზედმეტ სითხეს და სითხესთან ერთად დაკარგავთ სხვადასხვა მინერალებსაც, მაგალითად მაგნიუმს, კალიუმს, ნატრიუმს, თუთიას და ა.შ. , რაც უკვე საფრთხისშემცველია გულის და კუნთების ფუნქციონირებისთვის, საკვების მომნელებელი სისტემისთვის, იმუნიტეტისთვის და სია გრძელდება უსასრულოდ.

საერთოდაც თუ გიცდიათ დღის განმავლობაში ძალიან ბევრი წყლის დალება, შეამჩნევდით რომ საბოლოოდ უფრო და უფრო ხშირად გწყურდებათ, ტუჩები გიშრებათ და თითქოს რამდენი წყალიც არ უნდა დალიოთ, უკვე საკმარისი აღარ არის და ეს იმიტომ რომ ბევრი წყლის მიღებით კარგავთ მინერალებს და საბოლოოდ უფრო დეჰიდრირებული ხდებით. პრაქტიკულად ცოტა წყალს მიიღებთ თუ ბევრს, ორივე შემთხვევაში შეხება გექნებათ გვერდით ეფექტებთან და ამიტომ არის მნიშვნელოვანი რომ საკუთარ ორგანიზმს მოუსმინოთ და მიიღოთ იმდენი წყალი და იმდენი სითხე რამდენსაც მოგთხოვთ. თქვენ შეიძლება წყალს თვითონ იმდენად ბევრს არ სვამდეთ მაგრამ იღებდეთ სითხეს ყავიდან, ჩაიდან, ბოსტნეულიდან ან სხვა წყაროდან, თუმცა პირდაპირ წყლის მიღებაც მნიშვნელოვანია.

ასევე არიან ადამიანები, რომლებიც დღეში ერთ ჭიქაზე მეტ წყალს არ სვამენ და ამაზე უკითხავთ რომ „თუ ორგანიზმს მოვუსმენ, ამ 1 ჭიქაზე მეტი არ მინდება და რა უნდა ვქნა ასეთ შემთხვევაში“ და კი 1 ჭიქა წყლის მიღება ნამდვილად არ არის ჯანსაღი, თუმცა აქ კიდევ საერთოდ სხვა პრობლემასთან შეიძლება გვქონდეს საქმე და პრობლემა შეიძლება იყოს ის რომ თქვენ საკმარის მარილს არ იღებთ ყოველდღიურად. ადამიანის ორგანიზმს ჭირდება დაახლოებით 2 ჩაის კოვზამდე მარილი დღეში, ამაზე ცალკე ვიდეოც მაქვს, თუმცა თუ თქვენ არ იღებთ საკმარის მარილს, საერთოდ არ არის გამორიცხული რომ წყალიც არ მოგინდეთ, იმიტომ რომ ეს ბუნებრივი თავდაცვითი რეაქციაა.

როგორც ვახსენე ზედმეტი წყლის მიღება იწვევს სხვადასხვა მინერალების დაკარგვას, მათ შორის ნატრიუმის გამოფიტვას და ნატრიუმი არის მარილი, რაც სხვათაშორის ზემნიშვნელოვანია ჯანმრთელობისთვის და თუ საკმარის მარილს არ იღებთ, მგონი არ უნდა გაგვიკვირდეს რომ ორგანიზმი ამცირებს წყურვილის შეგრძნებას რომ კიდევ უფრო მეტი სითხის მიღებამ დამატებით არ გამოფიტოს მარილი ორგანიზმიდან, რაც უკვე გაკლიათ. პარალელურად მარილი თვითონ აკონტროლებს სითხის ბალანსს ორგანიზმში და მოკლედ ეს ორი ძალიან გადაჯაჭვულია ერთმანეთთან, ხოდა თუ გაკლიათ მარილი, ამის გამო შეიძლება ნაკლები წყალი მოგინდეთ, თუმცა ისევ და ისევ მარილის ნაკლებობის გამო და არა იმიტომ რომ ორგანიზმს რაიმე შეეშალა.

ვიტყოდი რომ წყლის მინიმალური დოზა ნებისმიერი ადამიანისთვის არის 1 ლიტრი თუმცა ამის იქით უკვე უნდა მიიღოთ იმდენი სითხე რამდენსაც მოგთხოვთ ორგანიზმში. თუ ეს ვიდეო მოგეწონათ, ჩვენი სხვა ვიდეოებიც დაგაინტერესებთ და გადახედეთ აუცილებლად, ჩვენ კი შევხვდებით შემდეგ ვიდეოში.

გაზიარება

1 comment

  1. ივნისი 3, 2022 at 11:05 pm
    სპარტაკი

    მადლობა, ძალიან სასარგებლო რჩევებს იძლევით.

კომენტარები

Your email address will not be published. Required fields are marked *