კეტო ალკოჰოლი? რაც უნდა იცოდეთ - Ketogen.ge

შეიძლება თუ არა ალკოჰოლი კეტო დიეტაზე? კი შეიძლება, თუმცა ოდენობას გააჩნია და არის კიდევ სხვადასხვა დეტალები რაზეც უნდა გქონდეთ ინფორმაცია. ჰოდა მოდით ვისაუბროთ.

კითხვები, რომლებსაც პასუხი უნდა გავცეთ:
1. რა ოდენობით ალკოჰოლია დაშვებული?
2. რომელი სასმელებია კეტო მეგობრული?
3. რა გავლენა აქვს ალკოჰოლს წონის კლებაზე?
4. და რა გავლენა აქვს ზოგად ჯანმრთელობაზე?

იმისთვის რომ ვუპასუხოთ ამ კითხვებს საჭიროა ვიცოდეთ როგორ გადამუშავდება ალკოჰოლი ორგანიზმში. თავიდანვე ვთქვათ რომ ალკოჰოლის მეტაბოლიზებაზე პასუხისმგებელია ღვიძლი და ძაღლის თავიც ზუსტად აქ არის დამარხული.

ალკოჰოლს ორგამიზმი აღიქვამს როგორც ტოქსინს ანუ საწამლავს და ამიტომ ორგანიზმში მოხვედრისთანავე ენიჭება პრიორიტეტი და ღვიძლიც უპირველესყოვლისა ალკოჰოლის გადამუშავებაზე გადადის, რათა მალე მოხდეს ალკოჰოლის ნეიტრალიზება და უსაფრთხო ნივთიერებად გარდაქმნა.

ჰოდა რადგან ასევე ღვიძლი გაკლებინებთ წონაში და გარდაქმნის ცხიმს ენერგიად, შესაბამისად ალკოჰოლი პირდაპირ აჩერებს და აპაუზებს წონის კლების პროცესს საშუალოდ 3-დან 7 დღემდე. რა თქმა უნდა, ეს დრო ალკოჰოლის დოზებზეა დამოკიდებული.

მას შემდეგ რაც ღვიძლი ბოლომდე გადაამუშავებს ალკოჰოლს, კვლავ გააგრძელდება ცხიმის წვის პროცესი და ღვიძლი გააგრძელებს კეტონების წარმოქმნას.

ამიტომ თეორიულად კი შეიძლება ალკოჰოლი კეტოზე მაგრამ ეს ამბავიც უნდა იცოდეთ და იდეალურ ვარიანტში თუ მოერიდებით ალკოჰოლს წონის კლების დროს კიდევ უკეთესი იქნება და უფრო წაადგება თქვენს შედეგებს.

აქვე ისიც უნდა გავითვალისწინოთ რომ ალკოჰოლურ სასმელებს აქვთ საკმაო ოდენობით ნახშირწყლებიც, ზოგს უფრო მეტი და ზოგს უფრო ნაკლები, რა თქმა უნდა და ამის მიხედვით შეგვიძლია ავარჩოთ ნაკლებად საზიანო სასმელი. რაც უფრო სუფთა ალკოჰოლია, მით უკეთესი.

ამიტომ დაშვებული ალკოჰოლია: არაყი, ვისკი, ღვინო, ტეკილა, რომი და ა.შ. ამ სასმელებს იშვიათად რამდენიმე ჭიქას თუ დალევთ არაფერი დაშავდება და არ არის საჭირო მაინც და მაინც თავი შეიზღუდოთ.

რა თქმა უნდა, მე არ ვუწევ ალკოჰოლის მოხმარებას რეკომენდაციას, თუმცა ვიყოთ რეალისტები, ალკოჰოლს აქვს თავისი როლი და ფუნქცია საზოგადოებაში და ისე ალბათ არ გამოვა რომ სრულიად უარი თქვათ და გვერდით გადადოთ.

ამიტომ ეს ვიდეო იმისაა რომ იცოდეთ რა შედეგებს უნდა ელოდოთ ალკოჰოლის მიღების შემდეგ და ასევე რომ გითხრათ რომელი სახის სასმელია შედარებით ნაკლებად საზიანო და რომელზე გააკეთოთ არჩევანი.

ყველაზე უარესი სასმელია ლუდი, რადგან ბევრ ნახშირწყლებს შეიცავს და ასევე სხვა ნებისმიერი ტკბილი ალკოჰოლური სასმელი, რადგან ალბათ ისედაც გასაგებია რომ რაც ტკბილია ყველაფერს ტონა შაქარი აქვს და შაქარი თავისთავად ვერ მეგობრობს კეტოსთან, წონის კლებასთან, ჯანმრთელობასთან და ა.შ.

რა თქმა უნდა, თუ თქვენ ალკოჰოლთან ერთად ბევრ ნახშირწყლებსაც მიიღებთ, ეს არათუ რამდენიმე დღით, უკვე რამდენიმე კვირითაც გააჩერებს წონის კლებას, იმიტომ რომ ორგანიზმი ამოვარდება კეტოზიდან და ცხიმის წვის რეჟიმზე დაბრუნებას დასჭირდება გარკვეული დრო.

თუმცა შეგიძლიათ თქვენ თვითონაც გააკეთოთ პატარა კოქტეილი კეტო მეგობრული პროდუქტებით, მაგალითად შეგიძლიათ არაყს დაამატოთ ლიმოს წვენი, ასევე პიტნა, დაატკბოთ ერითრიტოლით და მზად არის.

რა თქმა უნდა, კეტო დამატკბობელი ერითრიტოლი, კეტო შოკოლადები, ტკბილეული და კიდევ ბევრი სხვა კეტო პროდუქტი შეგიძლიათ ჩვენს ონლაინ მაღაზიაში შეიძინოთ Ketogen.ge-ზე ან მოგვწერეთ შესაძენად და კურიერი მოგიტანთ შეკვეთას მისამართზე.

ზოგადად თუ ვისაუბრებთ ჯანმრთელობაზე, რადგან ალკოჰოლს ღვიძლი აღიქვამს როგორც საწამლავს, ამიტომ ალკოჰოლი სერიოზული სტრესია ღვიძლისთვის და ხშირმა მოხმარებამ შეიძლება გამოიწვიოს გაცხიმოვნებული ღვიძლი, ფიბროსი, ციროზი და ა.შ.

თუმცა რა თქმა უნდა ეს არ გემუქრებათ თუ ალკოჰოლს მიიღებთ იშვიათად, გააკონტროლებთ დოზებს და არჩევანს გააკეთებთ შედარებით ნაკლებად საზიანო სასმელებზე.

ასევე კეტოგენურ დიეტაზე ბევრად უფრო მარტივად და სწრაფად თვრებით ამიტომ თუ დათრობაა თქვენი მიზანი, მაშინ ისედაც უფრო ცოტა სასმელის დალევა მოგიწევთ ნებისმიერ შემთხვევაში.

თუ ჯერ კიდევ არ ხართ ჩვენი Facebook ჯგუფი წევრი, შემოგვიერთდით აუცილებლად, კომენტარებში დავტოვებთ ჯგუფის ლინკს. შევხვდებით შემდეგ ვიდეოში.

Share

Post comment

Your email address will not be published. Required fields are marked *