ჰიმალაის ვარდისფერი მარილი უკეთესია ჩვეულებრივ მარილზე?

მოკლედ როგორც ამბობენ ჰიმალაის მარილი არის ბევრად უფრო ჯანსაღი და ხარისხიანი, თუმცა რეალურად არც ასე ცალსახად არის საქმე და რამდენიმე დეტალზე უნდა ვისაუბროთ სანამ გადაწყვეტთ ჰიმალაის მარილი გამოიყენოთ თუ უბრალოდ ჩვეულებრივი მარილი.

რეალურად მარილი არის 2 მინერალის გაერთიანება ეს არის ნატრიუმი და ეს არის ქლორი, არ აქვს მნიშვნელობა ჩვეულებრივ მარილზე ვსაუბრობთ თუ ჰიმალაის ვარდისფერ მარილზე, ორივე შემთხვევაში ძირითად მასას შეადგენს ნატრიუმის ქლორიდი, ანუ 99%-ით ორივენაირი მარილი ერთი და იგივეა. განსხვავება ისაა რომ ჰიმალაის მარილი არის უფრო ბუნებრივი და შეიცავს გარკვეული ოდენობით სხვადასხვა მინერალებს, რაც აძლევს ზუსტად მოვარდისფრო შეფერილობას.

თუმცა აქ კითხვა უკვე ისაა, ეს განსხვავებულობა რამდენად ღირებულს ხდის ჰიმალაის მარილს? ან რამდენად უკეთსია? იმიტომ რომ მინერალები კი ძალიან მნიშვნელოვანია და ნახევარჯერ მაგაზე ვსაუბრობ ჩემს ვიდეოებში, მაგრამ მინერალების ის ოდენობა რაც ჰიმალაის მარილშია არის ძალიან ძალიან მცირე.

დაახლოებით 100 გრამი ჰიმალაის მარილი უნდა მიიღოთ დღეში რომ რამდენიმე მინერალის ნორმალური დოზა მაინც გამოგივიდეთ, ამ მინერალების სრული დღიური დოზის მიღებაზე საუბარი არც არის, რა თქმა უნდა. მაგრამ 100 გრამ მარილს არც არავინ იღებს დღეში და არც არის რეკომენდებული და რეალისტური.

მეორე მხრივ ჩვეულებრივი მარილი როგორც წესი არის იოდიზირებული, ანუ დამატებული აქვს მინერალი იოდი და მიუხედავად იმისა რომ ჰიმალაის მარილიც შეიცავს იოდს, ვერცერთ შემთხვევაში მარილიდან ვერ მიიღებთ იოდის საჭირო ოდენობას, ამიტომ რეალურად ეს ბევრს არაფერს გვეუბნება არცერთ მარილზე. იოდის მისაღებად მაინც ან ზღვის პროდუქტები უნდა ჭამოთ ან იოდის საკვები დანამატი დალიოთ.

ჰიმალაის მარილი კი არის ცოტა უფრო უკეთესი ჩვეულებრივ მარილზე, მაგრამ თუ მაგალითად შევადარებთ ფასებს, ჩვეულებრივი მარილი 1 კილო ღირს ალბათ დაახლოებით 2 ლარი და ჰიმალაის მარილი დაახლოებით 20 ლარი, ხანდახან უფრო მეტიც და თუ ფასების კუთხით შევხედავთ, ცალსახად არ ღირს 10-ჯერ უფრო დიდი ფასის გადახდა ძალიან პატარა განსხვავების გამო.

თუ მინერალების მიღება გინდათ და ამიტომ გესიმპატიურებათ ჰიმალაის მარილი, ამას ჯობს ჩვეულებრივი მარილი იყიდოთ და დაზოგილი თანხით შეიძინოთ კონკრეტული მინერალების საკვები დანამატები, საიდანაც უფრო მეტ და საჭირო მინერალებსაც მიიღებთ ყველა შემთხვევაში.

გაუზიარეთ ეს ვიდეო თქვენს მეგობრებს, რომ მათაც გაიგონ სწორი ინფორმაცია და თუ ეს ვიდეო მოგეწონათ, ჩვენი სხვა ვიდეოებიც დაგაინტერესებთ და გადახედეთ აუცილებლად. ჩვენ კი შევხვდებით შემდეგ ვიდეოში.

Share

Post comment

Your email address will not be published. Required fields are marked *