განტვირთვის დღე კეტო დიეტაზე: რატომ არ შეიძლება? - Ketogen.ge

კეტოგენურ დიეტაზე თუ რაიმე არ შეიძლება ეს არის უპირველესყოვლისა განვირთვის დღეები და ჩვენ ვიცით რომ მეორე მხრივ პრაქტიკულად ყველა დიეტას აქვს ასეთი დარღვევის დღეები, როცა ვთქვათ კვირაში ერთხელ ჭამთ რასაც გინდათ, და მოდით ვისაუბროთ რატომ არ შეიძლება კეტო დიეტაზე მსგავსი განტვირთვის გაკეთება.

პირველი რაც ჩვენ უნდა გავაცნობიეროთ არის ის, რომ კეტოგენური დიეტა და კვება არის სრულიად განსხვავებული ნებისმიერი სხვა დიეტისგან, საუბარია ფუნდამენტურ განსხვავებაზე.

და მთავარი განსხვავება არის ის, რომ ზოგადად ნებისმიერი დიეტა, როგორი კვების რაციონიც არ უნდა ქონდეს, სინამდვილეში უბრალოდ კალორიების შეზღუდვაზეა დაფუძნებული და სხვა არანაირი გათვლა თუ შინაარსი არ არსებობს.

ამიტომ თქვენ თუ თუნდაც კვირაში ერთხელ განტვირთვის დღეს გააკეთებთ და ბევრ კალორიას მიიღებთ, ამით ბევრი არაფერი დაშავდება და შინაარსითაც არაფერი შეიცვლება, თქვენ ისევ კალორიების შეზღუდვის დიეტაზე იქნებით.

რაც შეეხება კეტოგენურ დიეტას, აქ კალორიები მესამეხარისხოვანია და მთავარი აქცენტი არის ჰორმონებსა და მეტაბოლურ მდგომარეობაზე. ანუ თქვენ კალორიებზე კი არ ღელავთ, არამედ კეტოგენური კვებით ორგანიზმი გადაგყავთ ცხიმის წვის რეჟიმზე, რასაც კეტოზს ვეძახით.

კეტო დიეტაზე თქვენი ორგანიზმი ნელ-ნელა ადაპტირდება და სწავლობს ცხიმის ენერგიად გამოყენებას, რასაც როგორც წესი რამდენიმე კვირა ჭირდება, და რაც დრო გადის, ორგანიზმი კიდევ და კიდევ უფრო ეფექტურად წვავს ცხიმს.

იმის თქმა მინდა რომ ჩვეულებრივი დიეტის შემთხვევაში თქვენი მეტაბოლური მდგომარეობა საერთოდ არ იცვლება, მანამდე რა ნივთიერებებსაც იღებდით, ისევ იმ ნივთიერებებს იღებთ, უბრალოდ უფრო ნაკლებს და კალორიებს ამცირებთ.

ხოლო კეტო დიეტაზე კალორიები შეიძლება სულაც იგივე იყოს მაგრამ იცვლება ნივთიერებები, რომელსაც იღებთ. ვამცირებთ ნახშირწყლებს მინიმუმამდე და რაციონი შედგება ძილირათად ცილისა და ცხიმისგან.

ამ მიდგომით იცვლება თქვენი მეტაბოლური და ჰორმონალური მდგომარეობა, იცვლება სქემა რომლითაც მთელი თქვენი ორგანიზმი ფუნქციონირებდა მანამდე.

და განტვირთვის დღეები იმიტომ არ შეიძლება რომ როგორცკი თქვენ დაარღვევთ, თქვენი ორგანიზმი უბრუნდება ისევ ძველ მდგომარეობას როცა ნახშირწყლებს იყენებდა ენერგიად და არა ცხიმს.

მით უმეტეს თუ ეს ხდება საწყის ეტაპზე და კეტოს დაწყებიდან პირველ რამდენიმე კვირაში. ეს პრაქტიკულად ანულებს თქვენს პროგრესს ადაპტაციის მიმართულებით და ყოველ ჯერზე თავიდან მოგიწევთ დაწყება.

წარმოიდგინეთ რომ 3 კილომეტრი გაქვთ გასავლელი, რომ მიხვიდეთ დანიშნულების ადგილას, მაგრამ თუ თქვენ ყოველი ერთი კილომეტრის გავლის შემდეგ ისევ დაბრუნდებით საწყის წერტილში, ასე თქვენ ვერასდროს მიხვალთ ფინიშამდე.

თუ თქვენ დარღვევა გინდათ, ჩემი აზრით მინიმუმ 2 თვე უნდა იყოს გასული კეტოს დაწყებიდან, რის შემდეგაც ორგანიზმი შედარებით უფრო მარტივად დაუბრუნდება ცხიმის წვას.

რა თქმა უნდა, რაც უფრო დიდი ხანი იქნება გასული კეტოზე, ორგანიზმიც უფრო ადაპტირებული იქნება ცხიმის წვაზე და დარღვევის შემთხვევაშიც უფრო სწრაფად დაუბრუნდებით კეტოზსს.

ამიტომ თუ თქვენ არღვევთ კვირაში ერთხელ ან რამდენიმე კვირაში ერთხელ, გამოდის რომ თქვენ საერთოდ არ ხართ კეტო დიეტაზე.

შეიძლება თქვენი რაციონი უკეთესი იყოს ვიდრე ჩვეულებრივი კვება, თუმცა როგორც არ უნდა იყოს, ეს არ იქნება კეტოგენური დიეტა და ვერ მიიღებთ ყველა იმ კეტო დიეტის პოზიტიურ ეფექტებს რაზეც ვიდეოებშია საუბარი.

წონის კლება იქნება თუ ზოგადი ჯანმრთელობის გაუმჯობესება, ეს არის იმ მეტაბოლური მდგომარეობის შედეგი რასაც კეტოზი ქვია, ანუ როცა ორგანიზმი ცხიმს იყენებს ენერგიად და კეტოგენური დიეტა ნიშნავს რომ ორგანიზმი სულ ამ მეტაბოლურ მდგომარეობაში უნდა იყოს.

თუ თქვენ ასეთი განტვირთვის დღეები გექნებათ, ყოველ ჯერზე თქვენი წონის კლება გაჩერდება საშუალოდ რამდენიმე კვირით და ხშირი დარღვევები თქვენს მეტაბოლიზმზეც უარყოფითად იმოქმედებს.

მოკლედ კეტოზე განტვირთვის დღეები არ არსებობს და თუ გაქვთ ასეთი დღეები მაშინ კეტო დიეტაზე არ ყოფილხართ. შემოგვიერთდით ჩვენს Facebook ჯგუში, რომლის ლინკსაც დავტოვებთ კომენტარებში და შევხვდებით შემდეგ ვიდეოში.

Share

Post comment

Your email address will not be published. Required fields are marked *