მოკლედ ძალიან ხშირად მესმის ხოლმე ასეთი ფრაზები, რომ ბევრი ხილი უნდა ვჭამოთ, რადგან ბევრ ვიტამინებს შეიცავს, რომ ჯანსაღი კვება ავტომატურად ნიშნავს ბევრი ხილის ჭამას, რომ ხილი იმუნიტეტს აძლიერებს და ა.შ. ჰოდა საინტერესოა გადავრჩებით თუ არა საერთოდ ხილის გარეშე თუ ვთქვათ ხილს საერთოდ არ შევჭამთ და დღეს მინდა ამ საკითხზე ვისაუბროთ. სხვათაშორის საკმაოდ ხშირად მიმიღია კომენტარი რომ ხილის გარეშე არანაირად არ შეიძლება ცხოვრება და ამ ვიდეოს იდეაც აქედან გაჩნდა.
მიუხედავად იმისა რომ ხილის საწინააღმდეგო არაფერი მაქვს, მაინც ვიტყოდი რომ საზოგადოებაში ხილს ზედმეტად დიდი სახელი აქვს, იმიტომ რომ უპირველესყოვლისა არც ბევრ ვიტამინებს და მინერალებს არ შეიცავს და ამავდროულად არცერთი საჭირო ნივთიერება არ არის ხილში ისეთი, რასაც მაგალითად ბოსტნეულიდან, თხილეულიდან, ხორციდან ან სხვა პროდუქტიდან ვერ მიიღებთ.
იმას არ ვამბობ, რომ ხილი არ უნდა ჭამოთ ან არ შეიძლება იყოს ჯანსაღი, ამაზეც ვისაუბრებთ, მაგრამ ძალიან კარგად უნდა გავიაზროთ, რომ ხილში კონკრეტულად არაფერი განსაკუთრებული არ არის, ისევ და ისევ არც ვიტამინების და მინერალების მხრივ და არც რაიმე ისეთს შეიცავს რაც მარტო ხილში იქნებოდა. თუ უბრალოდ მოიძიებთ რამდენიმე ხილის შემადგენლობას, რაც ძალიან მარტივია დღევანდელ სამყაროში და უბრალოდ შეხედავთ შემადგენლობას, საკუთარი თვალით დაინახავთ რამდენად მცირე ოდენობით ვიტამინები აქვს თუნდაც .
აქედან გამომდინარე იმის თქმა, რომ ხილი აუცილებელია ან მით უმეტეს იმის, რომ ხილის გარეშე ვერ გადავრჩებით არის უბრალოდ არასწორი რბილად რომ ვთქვათ. თქვენ თუ შეადარებთ ხილის შემადგენლობას სხვა პროდუქტების შემადგენლობას, ნახავთ რომ მაგალითად ხილზე ბევრად მეტ ვიტამინებს და მინერალებს შეიცავს ბოსტნეული, ბოსტნეულზე უფრო მეტს თხილეული, თხილეულზე უფრო მეტს ხორცი, თევზი, კვერცხი და ა.შ. დაახლოებით 50-მდე პროდუქტის ჩამოთვლა შეიძლება, რომლებიც ხილზე ბევრად ჯანსაღი და სასარგებლოა. საერთოდ ხორცის და ხილის შემადგენლობას თუ შეადარებთ და ნახავთ შედეგებს, დარწმუნებული ვარ აღარასდროს იტყვით რომ ხილია საჭირო ჯანმრთელობისთვის იმდენად ბევრად მეტ ვიტამინებს, მინერალებს, ჯანსაღ ცილებსა და ცხიმებს შეიცავს ხორცი, მით უმეტეს ხილთან შედარებით.
