თქვენი აზრით რომელი პროდუქტებია ყველაზე სასარგებლო? თუ ახლა რომელიმე ხილი გაგახსენდათ, იმედები უნდა გაგიცრუოთ რადგან ვერცერთი მათგანი ვერ მოხვდა ტოპ 7 ყველაზე სასარგებლო პროდუქტის სიაში, რაზეც დღეს ვისაუბრებთ.
ნომერ პირველი და სასარგებლო პროდუქტთა სასარგებლო პროდუქტი არის ღვიძლი. იგულისხმება ნებისმიერი ცხოველის ღვიძლი: ძროხის ღვიძლი, ქათმის ღვიძლი, ღორის ღვიძლი და ა.შ. და ა.შ. ღვიძლი არის უბრალოდ ბუნების საგანძური. შეიცავს ძალიან ბევრ ვიტამინებს, მინერალებს, სასარგებლო ცხიმებს, ცილებს და რაც მთავარია დიდი ოდენობით. თუ მოიძიებთ და ნახავთ ღვიძლის შემადგენლობას, თავს დავდებ რომ გაოცდებით იმ რიცხვებით, რასაც ნახავთ.
თანაც რადგან ეს არის ცხოველური პროდუქტი, ადამიანის ორგანიზმი ძალიან მარტივად და ეფექტურად ითვისებს ყველა საჭირო ნივთიერებას, როცა მაგალითად მცენარეებიდან ეს პროცესი ბევრად შეფერხებით მიმდინარეობს და არც არსებობს მცენარე რომელიც შეედრება ღვიძლს შემადგენლობით. ღვიძლი პრაქტიკულად შეიცავს თითქმის ყველა ვიტამინს და მინერალს და ამიტომ არ დავასახალებ რომელიმეს კონკრეტულად, რადგან უბრალოდ ყველანაირი საჭირო ნივთიერების ჩამოთვლა მომიწევს.
ზოგ ადამიანს არ მოწონს ღვიძლის გემო და კიბატონო, გემოვნება ყველას განსხვავებული აქვს, მაგრამ ღვიძლი არის პროდუქტი რომელიც ყველანაირად უნდა ეცადოთ და შეიტანოთ თქვენს რაციონში. ცადეთ სხვადასხვა რეცეპტები, თუნდაც სხვა ხორცთან ერთად აურიეთ ფარშში და მოკლედ გააკეთეთ ყველაფერი იმისთვის რომ ღვიძლი გქონდეთ რაციონში.
მეორე ყველაზე სასარგებლო პროდუქტი არის თევზი და ჯიშების მიხედვით განსხვავდება ვიტამინების და მინერალების შემცველობა, თუმცა თევზი არის ერთადერთი პროდუქტი, რომელიც დიდი ოდენობით შეიცავს ომეგა 3-სა და იოდს, და ორივე არის უბრალოდ შეუცვლელი ადამიანის ჯანმრთელობისთვის. ორივეს ნაკლებობამ შეიძლება გამოიწვიოს უამრავი პრობლემა, დაწყებული ფარისებრი ჯირკვლის პრობლემებით და დასრულებული გონებრივი პრობლემებით, წონის პრობლემებით და ა.შ.
თუ თევზს არ მიირთმევთ ყოველდღიურად, გამოდის რომ პრაქტიკულად იოდს და ომეგა3-ს დიდად ვერ იღებთ და ასეთ შემთხვევაში უკვე რეკომენდებულია საკვები დანამატის სახით მიღება. თუმცა რა თქმა უნდა უმჯობესი იქნება თუ თევზს შეიტანთ თქვენს რაციონში.
მესამე ადგილზე მოხვდა ზოგადად ნებისმიერი სახის ხორცი და კვერცხი. რა თქმა უნდა, ტექნიკურად რამდენიმე სახის პროდუქტი გამოდის ამ კატეგორიაში, თუმცა იქიდან გამომდინარე რომ საკმაოდ მსგავსი შემადგენლობა აქვთ, შეიძლება ითქვას რომ ერთნაირად სასარგებლოა. არის ვიტამინები და მინერალები, რომლებიც მაგალითად კვერცხშია ყველაზე მეტი, არის ნივთიერებები, რომლებიც ძროხის ხორცშია უფრო მეტად ან ქათმის ხორცში და ა.შ.
საერთოდაც თევზი, ხორცი და კვერცხი ერთი კატეგორია იქნებოდა უბრალოდ რადგან ომეგა 3 და იოდი ექსკლუზიურად თევზშია, ამიტომ არის გამოყოფილი, თორემ სხვა მხრივ ძალიან მსგავსი პროდუქტებია. ყველა ეს პროდუქტი დატვირთულია უამრავი საჭირო და სასარგებლო ნივთიერებებით, რაც თქვენი ორგანიზმისთვის სასიცოცხლოდ მნიშვნელოვანი და შეუცვლელია, ამიტომ ზოგადად რაც უფრო დიდი ოდენობით შეიტანთ თქვენს რაციონში, მით უკეთესი თქვენი ჯანმრთელობისთვის.
მეოთხე სუპერ სასარგებლო პროდუქტი არის ყველი. ყველი, რა თქმა უნდა შეიცავს საკმაო ოდენობით ჯანსაღ ცხიმებს, ვიტამინებს, მინერალებს და ა.შ. მაგრამ გამორჩეულად დიდი ოდენობით შეიცავს კალციუმს. პრაქტიკულად ამ სამყაროში არ არსებობს ყველზე უკეთესი კალციუმის წყარო. სულ 100-150 გრამი ყველია საჭირო იმისთვის, რომ მიიღოთ კალციუმის დღიური დოზა.
მეხუთე ასევე ძალიან სასარგებლო პროდუქტი არის შავი შოკოლადი, თუმცა რა თქმა უნდა არ იგულისხმება ჩვეულებრივი შაქრით სავსე შოკოლადები, საუბარია მხოლოდ უშაქრო შოკოლადზე. შავი შოკოლადი არის მაგნიუმის, კალიუმის და სპილენძის ერთ-ერთი საუკეთესო წყარო. თანაც ეს არის მინერალები, რომლებიც ძალიან ბევრ ადამიანს აკლია, მით უმეტეს როცა ვსაუბრობთ მაგნიუმზე. ზოგადად თქვენი N1 პრიორიტეტი ყოველთვის უნდა იყოს იმ ნივთიერებების შევსება, რომლებიც გაკლიათ და საკვებიდან ვერ იღებთ, რაშიც შავი შოკოლადიც დაგეხმარებათ ცალსახად. ისევ და ისევ ხაზგასმით ვსაუბრობთ უშაქრო შავ შოკოლადზე, რომელიც შეიძლება დატკბობილი იყოს ჯანსაღი დამატკბობლებით, როგორიც არის მაგალითად ერითრიტოლი ან ქსილიტოლი.
მეექვსე ყველაზე სასარგებლო პროდუქტი და პროდუქტთა კატეგორია არის თხილეული. თხილეული შეიცავს საკმაოდ დიდი ოდენობით B ვიტამინებს და სხვადასხვა მინერალებს. მათ შორის უკვე ნახსენები მაგნიუმის და კალიუმის ერთ-ერთი საუკეთესო წყაროა. თხილეული პრაქტიკულად არის მინერალების საბადო შეიძლება ითქვას.
მეშვიდე და საბოლოო ჩვენს სიაში არის ბოსტნეული. მიუხედავად იმისა რომ ბოსტნეული ჩამოთვლილ ცხოველური წარმოშობის პროდუქტებს დიდად ვერ შეედრება შემადგენლობით, მეორე მრხივ არის C ვიტამინის საუკეთესო წყარო და შეიცავს საკმაო ოდენობით კალიუმს. ასევე ამცირებს საკვების გავლენას სისხლში შაქრის დონეზე, რაც არის პრაქტიკულად თქვენი ჯანმრთელობის საფუძველი.
მოკლედ თუ ამ პროდუქტებით შედგება თქვენი რაციონი, მაშინ გილოცავთ და თუ არა, თქვენი ჯანმრთელობისთვის ჯობს იმუშავოთ ამ პროდუქტების უფრო და უფრო დიდი ოდენობით მიღებაზე და მაგალითად ცომეულის და ტკბილეულის შემცირებაზე. აუცილებლად დაიწყეთ ღვიძლით, რადგან ღვიძლი არის პრაქტიკულად ამ სიის მეფე და გამოკვეთილი ლიდერი.
სხვათაშორის ამ პროდუქტებისგან შემდგარ კვების სტილს ხშირად ეძახიან ხოლმე კეტოგენურ კვებას და დამატებით ესეც გეცოდინებათ დღეიდან. ასევე გირჩევთ უყუროთ ჩვენს ვიდეოს სათაურით „5 ნივთიერება, რომლებიც აკლიათ ადამიანების უმეტესობას“. დღეისათვის კი სულ ეს იყო, შევხვდებით შემდეგ ვიდეოში.
