ჭამეთ 2 ავოკადო ყოველ დღე! - Ketogen.ge

ავოკადო რომ სასარგებლო პროდუქტია, ეს მგონი საკმაოდ ცნობილია, მაგრამ დღეს მინდა მოკლედ გითხრათ რატომ უნდა ჭამოთ მინიმუმ 2 ცალი ავოკადო ყოველდღე. ესეიგი ახლა საქმე რაშია, ზოგადად ადამიანებს რა თქმა უნდა სხვადასხვა ვიტამინები და მინერალები გვჭირდება ყოველდღიურად, რითიც ჩვენი ორგანიზმი ფუნქციონირებს პრაქტიკულად, თუმცა დღევანდელ სამყაროში თითქმის ადამიანი არ დადის ვისაც არ აკლია მინიმუმ რამდენიმე საჭირო ნივთიერება, რადგან საკვები ხშირად გამოფიტულია წარმოების პროცესში სხვადასხვა ქიმიკატების გამოყენების გამო და მათ შორის კალიუმი არის ერთ-ერთი ყველაზე მოწინავე იმ ნივთიერებათა სიაში, რისი დეფიციტიც არის საკვებში და შესაბამისად ადამიანების უმეტესობაც ვერ იღებს საკმარისად ამ მინერალს.

თუ ჯანსაღად იკვებებით, შეიძლება კალიუმის დღიური დოზის 40 ან 60% მიიღოთ, მაგრამ როგორ ჯანსაღადაც არ უკვებებოდეთ თითქმის შეუძლებელია კალიუმის საკმარისი ოდენობით მიღება. ხოლო რაც შეეხება ავოკადოს, ავოკადო შეიცავს გამორჩეულად დიდი ოდენობით კალიუმს და ერთადერთი შანსი იმისა, რომ საკვებიდან მიიღოთ საჭირო ოდენობით კალიუმი არის მხოლოდ მაშინ თუ ყოველდღიურ რაციონში დაამატებთ 2 ცალ ავოკადოს. ასეთ შემთხვევაში უკვე შეასებთ კალიუმის იმ დანაკლისს რასაც სხვა საკვებიდან ვერ იღებთ. ავოკადოს გარეშე პრაქტიკულად წარმოუდგენელია კალიუმის დღიური დოზის მიღება რაც სხვათაშორის 4 000 მილიგრამია.

კალიუმის ნაკლებობის სიმპტომებია: კუნთების სპაზმი, დაჭიმულობა, აჩქარებული გულის ცემა, მაღალი არტერიული წნევა, დაღლილობა, სხეულის სხვადასხვა ნაწილების უმიზეზოდ დაბუჟება ან შეშუპება, ძილის პრობლემები და ა.შ. თუ მაინც და მაინც ჯანსაღადაც არ იკვებებით, ამ შემთხვევაში შეიძლება უკეთესი იყოს თუნდაც 3 ან 4 ავოკადოს დამატება რაციონში, კალიუმი იმდენად მნიშვნელოვანი მინერალია რომ უბრალოდ გატარება და ამ საკითხის გვერძე გადადება არ ღირს ნამდვილად. მაგალითად როგორცკი ორგანიზმში კალიუმის დონე კრიტიკულ ზღვარს მიაღწევს, ორგანიზმი პრაქტიკულად კეტავს ყველაფერს, ააქტიურებს სტეროიდულ ჰორმონ ალდოსტერონს და მაქსიმალურად ცდილობს უკვე არსებული კალიუმის შენარჩუნებას. ასეთი მობილიზება მხოლოდ რამდენიმე მინერალის ნაკლებობის დროს ხდება და თუნდაც მხოლოდ ეს ფაქტიც გვაჩვენებს რამდენად საჭიროა კალიუმი.

რა თქმა უნდა, უპირველესყოვლისა ყოველთვის უნდა ეცადოთ საჭირო ნივთიერებების საკვებიდან მიღებას, თუმცა თუ ეს ვერ ხერხდება, მაშინ უკვე ჯობს კალიუმი ხარისხიანი საკვები დანამატიდან მიიღოთ. მე პირადად საკვებ დანამატს ვიღებ, იმიტომ რომ ავოკადოს დიდად ვერ დავუმეგობრდი, თუმცა თქვენ რას და როგორ გააკეთებთ ეს უკვე თქვენი გადასაწყვეტია. კალიუმზე უფრო ვრცელი ვიდეოც გვაქვს და გირჩევთ უყუროთ, დღეისათვის კი სულ ეს იყო, შევხვდებით შემდეგ ვიდეოში.

Share

Post comment

Your email address will not be published. Required fields are marked *