არასდროს მიიღო ომეგა 3-6-9 ! - Ketogen.ge

ომეგა 3 6 9 არ არის საკვები დანამატი, ეს არის ჩვეულებრივი დაცინვა. იმიტომ რომ შემადგენლობა ისეთი აქვს, რომ არათუ სარგებელს ვერ მიიღებ, არამედ დიდი ალბათობით უფრო დააზიანებ შენს ჯანმრთელობას. ჩვეულებრივი მარკეტინგული პროდუქტია და მეტი არაფერი.

თავიდან ვთქვათ საერთოდ რა არის ომეგა 3 6 9, ეს არის დანამატი რომელიც თეორიულად შეიცავს ომეგა 3-ს, ომეგა 6-ს და ომეგა 9-ს, სახელიც აქედან მოდის. და ჩვენ რა თქმა უნდა ყველამ ვიცით რომ ომეგა 3 აუცილებელია ადამიანის ჯანმრთელობისთვის, ეს ფაქტია.

მაგრამ ადამიანების უმეტესობა პროდუქტის სახელით ტყუვდება და თითქოს ქვეცნობიერად ვფიქრობთ, რომ ომეგა 3 ხომ ძალიან საჭიროა და თუ პროდუქტი ომეგა 6-ს და ომეგა 9-საც შეიცავს დამატებით, ლოგიკურად ეს უკეთესი უნდა იყოს. თუმცა რეალობა საერთოდ საპირისპიროა.

უპირველესყოვლისა ომეგა 9 საერთოდ არ ჭირდება ადამიანის ორგანიზმს, მართალია არაფერს დაგიშავებთ, მაგრამ არც სარგებელს მოგიტანთ და ტყუილად გადაყრილი ფულია. მეორე მხრივ ცნობილია რომ მხოლოდ ომეგა 3 და ომეგა 6-ა საჭირო, მაგრამ ახლა ძაღლის თავი სად არის დამარხული.

ადამიანი არ დადის ამ დედამიწაზე ვისაც ომეგა 6 აკლია, მეტიც, პრობლემა იმაშია რომ პრაქტიკულად ყველა ადამიანი ძალიან ბევრ ომეგა 6-ს იღებს საკვებიდან, იქიდან გამომდინარე რომ ომეგა 6 ყველაფერშია, საერთოდ ყველანაირ ცხიმში და განსაკუთრებით არაჯანსაღ ცხიმში. განსხვავებით ომეგა 3-სგან, რომელიც მხოლოდ თევზის ცხიმშია.

ხოდა საქმე იმაშია რომ დიდი ოდენობით ომეგა 6 არის თავისთავად ძალიან დამაზიანებელი და უამრავ პრობლემას იწვევს, რაზეც ცოტა ხანში ვისაუბრებ, მაგრამ ომეგა 3 მათ შორის იმიტომ არის კრიტიკურად მნიშვნელოვანი და იმიტომ არის ასეთი საჭირო, რომ ომეგა 6 დააბალანსოს და ეს ზიანი გაანეიტრალოს.

ორგანიზმში არსებობს ომეგა 3-სა და ომეგა 6-ის ბალანსი. ორივე ცხიმოვანი მჟავა საჭიროა, მაგრამ საჭიროა რომ იყოს ერთმანეთთან ბალანსში და არა ისე რომ ერთ-ერთ მათგანს იღებდეთ კოლოსალური ოდენობით და მეორეს თითქმის არა.

და იმ მოცემულობაში როცა ცალსახად ძალიან ბევრი ომეგა 6 გაქვთ ორგანიზმში, ისეთი დანამატის არსებობა, რომელიც ომეგა 3-თან ერთად ომეგა 6-საც შეიცავს არის ისევ და ისევ ჩეულებრივი დაცინვა.

ეს იგივეა რომ წამალს სვამდე ადამიანი და საწამლავს აყოლებდე, რომ ამ წამალმა არ იმოქმედოს და რაიმე უარესი დაგემართოს. ზუსტად იგივე სიტუაციაა, მაგრამ ყველაფერი აქ არ მთავრდება.

ცალკე აღებულ ომეგა 3-ის დანამატებშიც კი პრობლემა ისაა რომ ხშირად ბევრად ნაკლებ ომეგა 3-ს შეიცავს, ვიდრე ჭირდება ადამიანს. თუ პროდუქტის უკანა მხარეს შეამოწმებთ შემადგენლობას, ნახავთ რომ უმეტესად დღიურ დოზაზე შეიცავს მხოლოდ 300 მილიგრამ ომეგა 3-ს, როცა თქვენ დაახლოებით 1500-დან 2000 მილიგრამამდე ომეგა 3 გჭირდებათ ყოველდღიურად. პრაქტიკულად საშუალოდ 6-ჯერ უფრო მეტი ვიდრე არის ხოლმე უმეტეს დანამატში, რაც უკვე სერიოზული პრობლემაა.

მაგრამ ომეგა 3 6 9-ს შემთხვევაში, კაფსულის დიდ ნაწილს იკავებს ახლა უკვე ომეგა 6, რომელიც დამაზიანებელია და ომეგა 9, რომელიც არაფერი გვჭირდება და თვითონ ომეგა 3-სთვის კიდევ უფრო ცოტა ადგილი რჩება კაფსულაში. მანამდე რომ ისედაც ძალიან ცოტა 300 მილიგრამ ომეგა 3-ს შეიცავდა, ახლა შეიძლება 150 მილიგრამიც აღარ ქონდეს შემადგენლობაში.

გარდა ამისა ომეგა 3-ის და ომეგა 6-ის ერთად მიღება არ შეიძლება არცერთ შემთხვევაში, იმიტომ რომ ომეგა 6 ყველაფერთან ერთად ხელს გიშლით ომეგა 3-ის ათვისებაში. ზოგადად როცა იღებთ ომეგა 3-ს ან ომეგა 6-ს, ორივე შემთხვევაში ფერმენტი სახელად დესატურაზაა საჭირო იმისთვის რომ დაკონვერტირდეს ეს ცხიმოვანი მჟავები და ჩამოყალიბდეს ქსოვილები სხეულის სხვადასხვა ნაწილში.

თუმცა ამ ფერმენტის ოდენობა შეზღუდულია და როგორც 2014 გამოქვეყნებული კვლევა გვაჩვენებს, ომეგა 3 და ომეგა 6 გარკვეულწილად ეჯიბრებიან ერთმანეთს ათვისებაში და როცა ორივეს ერთად იღებთ, ძირითადად ხდება ომეგა 6-ის ათვისება და ომეგა 3 რჩება გამოუყენებლად. არადა თქვენ მარტო ომეგა 3 გჭირდებათ.

და ანუ რა გამოდის რომ თუ თქვენ დალევთ ომეგა 3 6 9-ს, ერთი რომ უაზროდ გადაიხდით ფულს ომეგა 9-ში, მეორე რომ თავიდანვე ყველანაირ ომეგა 3-ის დანამატზე ბევრად ნაკლები ომეგა 3 იქნება შემადგენლობაში, რაც გინდ ყოფილა და გინდა არა, მესამე რომ ომეგა 6-ის შემცველობის გამო ომეგა 3-ს ვერ აითვისებთ და ბოლოს ომეგა 6 რომ ისედაც ძალიან ბევრი გქონდათ ორგანიზმში, ახლა კიდევ უფრო მეტს დაამატებთ და ცეცხლზე ნავთს დაასხამთ.

ბევრი ომეგა 6-ის უარყოფით მხარეებზეც რომ ვთქვათ რამდენიმე სიტყვა, როგორც 2012 წელს გამოქვეყნებულ კვლევაში შეაჯამეს მეცნიერებმა, დიდი ოდენობით ომეგა 6 ზრდის გულის დაავადებებისა და ათეროსკლეროზის განვითარების რისკს, ასევე ღვიძლის გაცხიმოვნების ალბათობას, იზრდება ართრიტის განვითარების რისკი, ალცჰეიმერის განვითარების რისკი და ზოგადად იმატებს ქრონიკული ანთებითი პროცესები ორგანიზმში, რაც უამრავი დავაადების წინაპირობაა როგორც წესი.

მოკლედ ერთადერთი მიზეზი რატომაც დანამატი ომეგა 3 6 9 არსებობს ისაა რომ თვალისმომჭრელი სახელი აქვს და კარგად იყიდება, თუმცა რომელიღაც კომპანიის გამდიდრებით თქვენი ჯანმრთლობა არ გაუმჯობესდება და საჭიროა იცოდეთ ეს ინფორმაცია.

ასევე რამდენიმე საინტერესო ვიდეო გვაქვს ომეგა 3-თან დაკავშირებით, მათ შორის თუ სწორად როგორ აარჩიოთ ხარისხიანი ომეგა 3 და უყურეთ აუცილებლად. არ დაგავიწყდეთ ვიდეოს გაზიარება თქვენი მეგობრებისთვის რომ მათაც მიიღონ სწორი ინფორმაცია. დღეისათვის კი სულ ეს იყო, შევხვდებით შემდეგ ვიდეოში.

Share

Post comment

Your email address will not be published. Required fields are marked *